Ársrit Ræktunarfélags Norðurlands - 01.01.1982, Blaðsíða 74

Mynd 4. Bygging vallarfoxgrass. A. Kynsproti sleginn, litlir hlidarlaukar taka aðvaxa.
B. Kynsprotinn er dauður (stubbur) en hliðarlaukar hafa myndað endurvöxt og nyja
lauka sem lifa veturinn. (Frá Grönnenröd, Forelsninger om grasarter, 1973).
nefnda kynsprota sem skríða og mynda punt og fræ. Stöngul-
endi (vaxtarpunktur) geldsprota er niður við jörð (mynd 2) og
blöðin vaxa þar og einnig á mörkum blöðku og slíðurs. Sé
slikur sporti sleginn er stöngulendinn oftast óskemmdur og ný
blöð myndast frá stöngulendanum. Stöngulendi kynsprota
hefur hinsvegar lyfst upp og á enda hans er vísir að punti
(mynd 3). Þar fer vöxtur stöngulsins fram og einnig við hné.
Sé kynsproti sleginn hverfur stöngulendinn og sprotinn drepst
og myndar ekki ný blöð. Allur endurvöxtur verður þá að
koma frá öðrum sprotum (mynd 4).
Sé slegið snemma sumars eru margir sprotar á geldstigi og
endurvöxtur verður meiri en ef seint er slegið og fleiri sprotar
eru á kynstigi. Endurvöxtur er mismunandi eftir grastegund-
um, enda skriða þær mismikið og missnemma. Sé slegið um
20. júní og aftur um miðjan ágúst fæst um helmingur upp-
skerunnar í hvorum slætti. Ef báðir slættir eru fluttir aftur um
einn mánuð verða innan við 10% uppskerunnar í endurvexti
hjá vallarfoxgrasi og snarrót en nær 25% hjá vallarsveifgrasi.
76