Ársrit Ræktunarfélags Norðurlands - 01.01.1982, Qupperneq 83

aukins átaks í heyverkunarmálum og fram kom endurskoðað
uppkast að dreifibréfi til bænda varðandi átak í nýjungum í
leiðbeiningarþjónustunni.
Lýstu fundarmenn sig samþykka þessu og var síðan fundi
slitið.
Eftirmáli.
Stjórn Rfl. Nl. hefur nú skipað nýja heimaöflunarnefnd og
eru í henni eftirtaldir menn:
Einar E. Gíslason, Syðra-Skörðugili,
Aðalbjörn Benediktsson, Hvammstanga,
Ragnar Jónsson, Fjósatungu, Fnjóskadal.
Nefndin hefur hafið störf.
Enn fremur var reynt að bjóða bændum á Norðurlandi upp
á þá nýlundu í leiðbeiningum, sem rædd var á fyrrgreindum
fundi. Með pöntunarlista félagsins, sem fer á alla bæi á
starfssvæðinu um áramótin, var sendur listi þar sem bændum
var boðið að taka þátt í sérstökum leiðbeiningum um ákveðið
efni, heygœði og sláttutima túngrasa. Var hugmyndin að þeir
bændur, sem gæfu sig fram yrðu kvaddir á litla umræðufundi
síðari hluta vetrar. Þar yrðu vandamálin rædd, þeim leiðbeint
og spjallað frjálslega um efnið. Á sprettutímanum átti síðan
að fara út á tún, helst tún hvers einstaks bónda, skoða tún-
grösin, læra að þekkja þau, meta skrið þeirra og athuga hvaða
spildur ætti að slá fyrst. Verkefni þetta var hugsað sem sam-
vinnuverkefni milli Ræktunarfélagsins og annarra landbún-
aðarstofnana á Norðurlandi (Búnaðarsambönd, Bændaskóli,
Tilraunastöð).
Það verður varla með sanni sagt að þorri bænda hafi mik-
inn áhuga á umræðu um heygæði og sláttutíma ef dæmt er
eftir þeirri þátttöku, sem fékkst út úr dreifibréfi því sem þeim
var sent. Þar var þeim boðið að taka þátt í þessu ákveðna
verkefni og þeir ennfremur spurðir álits á öðrum verkefnum,
sem þeir töldu brýnt að taka fyrir á þennan hátt í framtíðinni.
Alls bárust svör frá 106 bændum, þar af svöruðu 95 játandi
eða um 6% bænda, en 11 voru óákveðnir þetta árið eða svör-
uðu alfarið neitandi.
85