Ársrit Ræktunarfélags Norðurlands - 01.01.1982, Page 85

komin, og er því alls ekki endanlega lokið. Flestir bændanna
sem gáfu sig fram voru boðaðir á litla fundi eða heimsóttir í
apríl og maí. Ekki gátu þeir allir mætt og ekki var því við
komið að boða alla (t.d. í N.-Þing.) Á þessum fundum mættu
Þórarinn Lárusson og/eða Bjarni E. Guðleifsson ásamt hér-
aðsráðunautum, en i S.-Þing. var framkvæmd þessara hluta
alveg í höndum héraðsráðunauta. Á þessum fundum voru
kynnt tvö efni, Heygæði og sláttutími í samantekt Þórarins og
Lífeðli grasa sem Bjarni tók saman. Báðum þessum efnum eru
gerð skil hér í ritinu og vísað til þess.
Hafi fyrri þáttur þessara leiðbeininga verið ófullkominn, þá
var síðari þátturinn, heimsókn á tún bænda, enn verr af hendi
leystur. Kom þetta einkum af því að ráðunautum Ræktun-
arfélagsins reyndist ókleift að komast yfir öll þessi tún á þeim
skamma tíma sem til stefnu er frá því spretta er vel á veg
komin og fram að slætti.
Hefur því verið ákveðið að færast ekki meira í fang á kom-
andi vori en svo að ljúka heimsóknum til þessara þátttakenda
á sómasamlegan hátt.
Hafi fleiri félagsmenn á svæðinu löngun til þátttöku um
málefnið er þeim velkomið að hafa samband við héraðsráðu-
nauta eða Ræktunarfélagið beint og verður reynt að verða við
óskum þeirra svo sem kraftar leyfa.
87