Ársrit Ræktunarfélags Norðurlands - 01.01.1982, Síða 128

sviði og annar af jarðræktarsviði. Auk þess tilraunastjóri sem jafn-
framt er formaður. Nefndarskipan er til fjögurra ára i senn.
Endanlegt val rannsóknaverkefna fer þó eftir þvi sem tilgreinir í
3. gr. laga nr. 64 frá 1965.
8. gr. Halda skal a.m.k. einu sinni á ári sameiginlegan fund
stjórna RN, RALA og staðarstjórnar. Skal þar fjallað um málefni
stöðvarinnar.
9. gr. Samningur þessi verði endurskoðaður ekki síðar en fyrir
mitt ár 1985 eða fyrr ef annar hvor samningsaðila óskar eftir.
B. Aðalfundur Ræktunarfélags Norðurlands haldinn á Hólum 9.
september 1982 samþykkir að beina því til landbúnaðarráðherra að
ákvörðun um förgun sauðfjár á Tilraunastöðinni á Möðruvöllum
verði ekki látin koma til framkvæmda meðan samningar standa yfir
milli Rannsóknarstofnunar landbúnaðarins og Ræktunarfélags
Norðurlands um rekstur stöðvarinnar.
Samþykkt samhljóða.
C. Aðalfundur Ræktunarfélags Norðurlands haldinn að Hólum 9.
september 1982 samþykkir að beina því til landbúnaðarráðherra og
stjórnar RALA að unnið verði að því að efla tilraunastarfsemi við
Bændaskólann á Hólum. Fundurinn telur eðlilegt og sjálfsagt að
nýta aðstöðu og starfskrafta Bændaskólans í þágu landbúnaðar-
rannsókna eins og frekast er kostur, og leggur áherslu á að komið
verði á nánu samstarfi milli Bændaskólans, Ræktunarfélags Norð-
urlands, Tilraunastöðvarinnar á Möðruvöllum og Rannsóknar-
stofnunar landbúnaðarins.
Til máls tóku um tillöguna Sveinn Jónsson og Jón Bjarnason
skólastjóri.
Tillagan borin upp og samþykkt samhljóða.
D. Aðalfundur Ræktunarfélags Norðurlands haldinn að Hólum 9.
september 1982 beinir því til landbúnaðarráðherra að hlutast til
um, að Stofnlánadeild landbúnaðarins og Byggðasjóður veiti lán til
fóðurstöðva, sem reknar eru á félagslegum grundvelli til framleiðslu
á loðdýrafóðri. Lánsupphæð nemi a.m.k. 90% af öllum stofnkostn-
aði stöðvanna.
Greinargerð fylgdi tillögunni.
Framsögumaður var Einar E. Gíslason.
Samþykkt samhljóða.
130