Árbók Landsbókasafns Íslands - Nýr flokkur - 01.01.1987, Qupperneq 38

38
BRÉF NOKKURRA FRÆÐIMANNA
skrifað honum áður en ég fór til Islands. Ég sendi þér nú hér með
eftirrit af þessum báðum bréfum.
Þú sérð af síðara bréfinu, að dr. Pearl haíði gert ráð fyrir því við
formann Rockefeller Foundation, að landið mundi kosta frekari rann-
sóknir, eftir að þessir tveir „fellows“ kæmu heim frá Ameríku. Þessu
hafði ég ekki gert ráð fyrir í samtali mínu við hann í maí síðastl.,
heldur að Rockefeller Foundation legði fram fé til þess fyrstu fimm
árin. Þegar nefndri stofnun er bent á þetta, þykir mér ekki ólíklegt, að
hún kannske dragi til baka loforðið um styrkinn til þessara tveggja
„fellows“, — en dr. Pearl gerir nú ekki ráð fyrir því í síðara bréfi sínu,
eins og þú sérð, heldur biður hann um greinilega skýrslu um það,
hvað þessir „fellows“ eiga að gera, þegar þeir koma heim aftur frá
Ameríku. Og það er þá undir ykkur komið að semja þá skýrslu, og
jafnframt velja þessa „fellows“, þegar þar að kemur. Ef þið viljið
halda málinu til streitu (og það sýnist mér bezt, úr því svona langt er
komið), þá verð ég að biðja ykkur: þig, Guðmund Hannesson og
Agúst Bjarnason sem rektor háskólans (því eins og þú sérð af bréfi
Pearl’s, er gert ráð fyrir því, að þetta sé allt unnið sub auspiciis
háskólans) að semja ,prógram’ fyrir störfum þessara manna, og ef
mögulegt er, að senda þetta til mín til Hamborgar, áður en ég fer
vestur 13da sept.
Adressa: Passenger S/S „Cleveland",
Sailing Sept 13th,
c/o Hamborg, Amerika Linie, Hamborg.
Ég hef skrifað Agúst um þetta og sent honum líka afskrift af bréfum
dr. Pearl’s, enda átti ég tal um málið við hann í sumar, meðan ég
dvaldi í Reykjavík. Guðmundi Hannessyni skrifa ég líka um málið, en
ég vildi biðja þig að sýna honum eftirrit þau af bréfunum, sem ég
sendi þér, því að ég nenni ekki að taka nýtt eftirrit handa honum.
Þú skrifar mér í öllu falli þitt álit um málið til Hamborgar, þótt
þessi „outline“, sem Pearl biður um, verði ekki búin. Það getur verið,
að ykkur finnist tíminn nokkuð naumur til að semja hana.
Með beztu kveðju til þín og konu þinnar,
þinn einlægur
Halldór Hermannsson