Árbók Landsbókasafns Íslands - Nýr flokkur - 01.01.1987, Page 59

STEFÁN EINARSSON
59
Af mér allt gott að frétta. Ég hélt tvo fyrirlestra hér í vetur, annan
um Ben. Gröndal og Heljarslóðarorustu í Philological Club há-
skólans hér, hinn um Gunnar Gunnarsson fyrir Alumnae Association
í Goucher College hér í bænum. Var þeim heldur vel tekið.
Skólinn hér hefur verið í íjárbón nú í vor, þurftu þeir að fá 750.000
dollara til að borga þriggja ára undirbalance. Ekki eru innkomnar
gjafir fyrir meiru en 400.000; en líklega verður afgangurinn urgaður
saman á einhvern hátt. En þetta er ekki nema að tjalda til einnar
nætur. Til að sjá fyrir framtíðinni þarf skólinn 11.000.000 dollara!
í sambandi við þessar fjárkröggur hefur mörgum yngri mönnum
verið sagt upp. Var ég ekki óhræddur um sjálfan mig, en nú hef ég
verið ráðinn til fimm ára, og mun það, að mér er sagt, vera merki
þess, að þeir ætla að halda mér hér framvegis.
Ég vildi gjarna fá sérprent af greininni, þegar hún kemur út. Ef þú
skyldir senda mér línu í sumar, þá verð ég að vanda í Cornell
University Library, Ithaca, N.Y.
Með beztu kveðjum,
þinn einl.
Stefán Einarsson
P.S. Ég legg hér með tvö sérprent og eitt eintak af Boston Evening
Transcript með grein um Laxness eftir mig (nema fyrirsagnirnar!).
Því miður á ég ekkert sérprent af „Sex problems in Icelandic
Literature, sem kom í Encyclopaedia Sexualis. Ed. by Victor
Robinson, New York, Dingwall-Rock, Ltd., 1936 (pp. 369-379).
S.E.
The Johns Hopkins University,
Baltimore, Maryland
7. janúar 1937.
Kæri vinur:
Beztu þakkir fyrir bréf þitt og ávísun upp á 165 kr. Mér þótti mjög
vænt um, að þú skyldir geta tekið Víðsíð, og þakka þér bæði fyrir það
og þín góðu orð um verkið.
Mér þótti fróðlegt að heyra um þýðingarstarfsemi þína, efast ég
ekki um, að þú ráðir vel fram úr því öllu saman, og það ætla ég, að
ekki sé sú vísindagrein til, að þér yrði nokkur skotaskuld að þýða