Morgunblaðið - 08.12.2001, Síða 14

HÖFUÐBORGARSVÆÐIÐ
14 LAUGARDAGUR 8. DESEMBER 2001 MORGUNBLAÐIÐ
GJÖLD vegna hundahalds í
Bessastaðahreppi, Garðabæ,
Hafnarfirði og Kópavogi munu
hækka um áramótin. Skrán-
ingargjald mun hækka um
20%, eða úr 5.000 krónum í
6.000 og árlegt eftirlitsgjald af
skráðum hundum hækkar úr
7.500 krónum á ári í 8.500.
Gjaldskráin hefur verið sam-
þykkt af öllum bæjarfélögun-
um sem falla undir heilbrigð-
iseftirlit Hafnarfjarðar- og
Kópavogssvæðis.
Öll gjöld vegna hundahalds
hækka, þó hækkar mest gjald
sem ber að greiða við afhend-
ingu handsamaðs hunds, úr
12.000 krónum í 15.800 krónur
eða um 31,6 %. Fyrsta afhend-
ing skráðs hunds ef eftirlits-
gjald og vottorð er í skilum við
handsömun hækkar úr 6.000
krónum í 7.900.
Um síðustu áramót voru 987
hundar skráðir á svæðinu,
flestir í Kópavogi, eða 388.
Samkvæmt upplýsingum Guð-
mundar H. Einarssonar, for-
stöðumanns Heilbrigðiseftir-
litsins, er talan síbreytileg,
næstum dag frá degi. Hann
segir aðallega tvær ástæður
liggja til grundvallar hækkun-
inni og vegur aukinn launa-
kostnaður þar mest. Að auki
hefur kostnaður vegna aksturs
hækkað. Guðmundur segir að
ef skoðað sé lengra tímabil þá
komi í ljós að gjöldin voru
hærri árið 1999 ef tekið er tillit
til þeirrar verðbólgu sem orðið
hefur á tímabilinu.
Tillögur um opið svæði
fyrir hunda í Garðabæ
Á fundi bæjarstjórnar
Garðabæjar á fimmtudag lagði
Einar Sveinbjörnsson fram til-
lögu um að kannað yrði hvaða
svæði innan lögsögu Garða-
bæjar gæti hentað sem opið
svæði fyrir hunda og eigendur
þeirra. Í greinargerð með til-
lögunni kemur fram að í sam-
þykkt um hunda- og kattahald
fyrir Garðabæ er óheimilt að
hafa hund lausan á almanna-
færi. „Hundar þurfa hreyfingu
og ekki er óalgengt að rekast á
lausa hunda, t.d. í Heiðmörk
eða meðfram Hraunsholtslæk.
Í þessu sambandi er mikilvægt
að koma á fót frísvæði fyrir
hunda þar sem heimilt er að
sleppa þeim lausum og að
svæðið verði jafnframt vel
merkt og afmarkað öðrum
gangandi til viðvörunar. Það
svæði sem hentað gæti best,
a.m.k. til bráðabirgða, er það
landsvæði vestan Gálgahrauns
og sunnan við Álftanesveginn
sem er í eigu bæjarins. Þetta
land verður að öllum líkindum
tekið til byggingar innan fárra
ára. Markmið tillögunnar er
því ekki síður það að horft
verði til annarra landskika
sem hentað gætu til frambúðar
sem frísvæði fyrir hunda og
eigendur þeirra.“
Tillögunni var vísað til bæj-
arráðs til frekari umfjöllunar.
Gjöld vegna
hundahalds
hækka
GarðabærHITT HÚSIÐ, menningar-
og upplýsingamiðstöð fyrir
ungt fólk, þarf að flytja
starfsemi sína úr Geysis-
húsinu 1. október á næsta
ári samkvæmt samningi
sem Reykjavíkurborg og
Minjavernd hf. gerðu með
sér og undirritaður var í
september 2000. Markús H.
Guðmundsson forstöðumað-
ur segir nauðsynlegt að
starfsemi Hins hússins
verði áfram undir einu
þaki.
Borgarstjórn gerðist
hluthafi í Minjavernd hf.,
sem áður var sjálfseignar-
stofnunin Minjavernd, á
síðasta ári. Markmið Minja-
verndar er fyrst og fremst
að stuðla að varðveislu
mannvirkja og mannvistar-
leifa hvarvetna á Íslandi
sem hafa menningarsögu-
legt gildi. Með aðildinni af-
salaði borgin til Minja-
verndar nokkrum fast-
eignum og lóðum, þar á
meðal Geysishúsinu. Leigu-
samningur var gerður milli
Minjaverndar og Reykja-
víkurborgar og rennur sá
samningur út 1. október á
næsta ári.
Hitt húsið var stofnað
1991 og hafði aðstöðu í
gamla Þórskaffi í Brautar-
holti til að byrja með og var
þá að mestu leyti rekið sem
dansstaður fyrir ungt fólk.
Árið 1995 var starfsemin
flutt í Geysishúsið og
áherslum breytt þannig að
nú er Hitt húsið menning-
ar- og upplýsingamiðstöð
fyrir ungt fólk. Starfsemi
Hins hússins er margvísleg,
þar er myndlistargallerí,
Götuleikhús, starf fyrir fatl-
aða, Jafningjafræðslan,
Vinnumiðlun skólafólks og
upplýsingamiðstöð auk þess
sem Hitt húsið stendur fyr-
ir ýmsum árlegum uppá-
komum, svo eitthvað sé
nefnt.
„Húsið er mjög vel nýtt í
dag,“ segir Markús og
leggur áherslu á að gestum
Hins hússins og starfsfólki
þess hafi liðið sérlega vel í
húsinu. „Undanfarin ár er
búið að verja miklum fjár-
munum í að aðlaga húsnæð-
ið að starfsemi og kynna
það og staðsetningu þess
fyrir ungu fólki. Aðgengi
fyrir fatlaða hefur einnig
verið bætt til muna. Þess
má einnig geta að gestir
sem hafa komið erlendis frá
hafa hrifist mikið af starf-
semi, innviðum og staðsetn-
ingu Hins Hússins.“
Markús segir að nú sé til
athugunar hjá borgaryfir-
völdum að setja að ra starf-
semi inn í húsið og taka
annaðhvort hluta af starf-
semi Hins hússins eða alla
starfsemina og flytja hana
annað. „Við í Hinu húsinu
leggjum mikla áherslu á að
starfsemin verði áfram
undir einu þaki í miðborg
Reykjavíkur. Það verður
kostnaðarsamt að koma
starfseminni fyrir annars
staðar. Okkur hefur tekist
með tímanum að kynna
okkur á þessum stað, en
það kostar bæði tíma og
peninga að kynna starfsem-
ina á nýjum stað.“
Eins og staðan er í dag
hefur enn ekki verið ákveð-
ið hvert starfsemi Hins
hússins mun flytjast. „Við
erum sveigjanleg ef við
fáum betra húsnæði sem
hýsir alla starfsemina. Ég
vona þó að borgaryfirvöld
endurnýji samninginn við
Minjavernd svo ekki þurfi
að koma til flutnings.“
Vilja halda starfsem-
inni undir sama þaki
Miðborg
Morgunblaðið/Golli
Leigusamningur Reykjavíkurborgar við Minjavernd hf. rennur út 1. október á næsta
ári og þá þarf væntanlega að flytja alla starfsemi Hins hússins í annað húsnæði.
VETUR KONUNGUR bank-
aði óvenju snemma uppá hjá
okkur Íslendingum þetta ár-
ið og hefur það ýmsar af-
leiðingar. Hestamenn þurfa
til dæmis að taka hesta sína
í hús mun fyrr þetta árið en
tíðkast hefur. Hesthúsa-
hverfin á höfuðborgarsvæð-
inu eru því óðum að glæðast
lífi og í hesthúsum hesta-
mannafélagsins Andvara á
Kjóavöllum í Garðabæ
standa nú við bása kafloðin
hross, fegin að vera komin
inn úr kuldanum. „Margir
eru með hrossin sín í haga-
beit þar til þarf að fara að
gefa þeim, en það er kominn
svo mikill snjór víða núna,“
segir Hörður Gunnarsson
sem tók hrossin sín þrjú inn
fyrir um mánuði. „Ég heyrði
af því í vikunni að á sunn-
anverðu Snæfellsnesinu
hefði snjórinn náð hross-
unum upp undir kvið sem
hefur ekki gerst á þessum
tíma í fjöldamörg ár.“ Hörð-
ur segir að þar sem nú rigni
víða verði vonlaust fyrir
hestana að ná í grasið þegar
frystir aftur og klaki hylur
hagann.
Heiða kennd við
Heiðmörk
Hörður er með folann
Fannar og merarnar Heiðu
og Matthildi í hagabeit í
Fljótshlíð sumar og haust,
en þetta er annað árið sem
hann hefur þá á húsi á Kjóa-
völlum. Merin Heiða fékk
nafn sitt eftir að hún hrasaði
með mann á baki í Heið-
mörkinni síðasta vor. Nafnið
Matthildur er hins vegar út í
loftið, en merin sú er átta
vetra og er í miklu uppá-
haldi hjá eiganda sínum.
„Hún er ein skemmtilegasta
skepna sem ég hef nokkurn
tíma átt,“ segir Hörður
hlæjandi. „Hún lenti í
hrossasótt fyrir nokkrum
árum og hefur náð sér alveg
ótrúlega vel eftir hana.“
Nokkrir hestamenn deila
sama húsi og Hörður og
skiptast þeir á að gefa, því
hestarnir þurfa sitt, tvisvar
á sólarhring. Hann er mjög
ánægður með aðstöðuna í
húsinu og í hesthúsahverf-
inu og er þegar farinn að
ríða út. „Það fer mikill tími í
að „trimma“ hrossin til svo
að þau komist í góða þjálf-
un. Sumir stefna að keppni
þegar líður á vorið en aðrir
vilja eingöngu hafa hrossin í
kringum sig sem mest og
lengst.“
Hörður og félagi hans
Gunnar Júlíusson voru í
hesthúsinu þegar ljósmynd-
ara Morgunblaðsins bar að
garði og hestarnir spændu í
sig ferskt heyið. Hörður seg-
ir það aldrei að vita hvort
hann bjóði Fannari, Heiðu
og Matthildi girnilegri jóla-
mat yfir hátíðirnar. „Ætli
þau fái ekki eitthvert gott
brauð og góðan fóðurbæti.“
Hann segir mikinn tíma
fara í hestamennskuna líkt
og gangi og gerist með önn-
ur áhugamál. „Rómantíkin í
kringum hestamennskuna
felst líka í því að kynnast
fólki, þetta er góður fé-
lagsskapur og fólk hvaðan-
æva úr þjóðfélaginu kemur
saman og kynnist.“
En myndi Hörður taka sér
hlé frá jólaundirbúningnum
og skella sér á bak á að-
fangadag?
„Í fallegu veðri? Ekki
spurning.“
Hestar víða komnir á hús
Hestamennskan snýst ekki síst um vinskap manns og dýra.
Hörður og Fannar á góðri stund í hesthúsinu.
Morgunblaðið/Þorkell
Gunnar fóðrar Fannar, Heiðu og Matthildi sem eru öll blesótt en þó ekkert skyld.
Garðabær
EGGERT feldskeri
efnir til gleðifundar á
morgun, sunnudag, kl.
16–18, síðdegis. Fund-
urinn, sem haldinn er
fyrir vini feldskerans
og velunnara, er jafn-
framt haldinn til að
mótmæla öllu því
fjaðrafoki sem verið
hefur undanfarið vegna
ímyndaðs samdráttar í
viðskiptum fyrirtækja í
miðbæ Reykjavíkur.
Eggert telur fulla
ástæðu til þess að
fagna góðum samskipt-
um við viðskiptavini
sína undanfarið. Til
þess að lífga upp á
stemmninguna og gera
broskiprurnar dýpri á
fundargestum hefur
feldskerinn fengið
„óháða tónlistarmenn“
til þess að flytja upp-
lífgandi mótmæla-
söngva á fundinum.
Þeir eru Ólafur Stolz-
enwald bassaleikari og
Jón Páll Bjarnason gít-
arleikari. Þeir félagar
eiga engra miðbæjar-
hagsmuna að gæta.
Stolzenwald er frá
Hellu á Rangárvöllum
en Jón Páll býr nú á
Akranesi. Eggert feld-
skera er að finna efst á
Skólavörðustíg við hlið-
ina á Krambúðinni.
Gleði-
fundur
feld-
skerans
Miðborg