Morgunblaðið - 26.01.2003, Side 8

FRÉTTIR
8 SUNNUDAGUR 26. JANÚAR 2003 MORGUNBLAÐIÐ
Námskeiðaröð Landsbókasafns
Ætla að opna
gullkisturnar
Landsbókasafniðbryddar nú upp ánámskeiðaröð. Dr.
Sigrún Klara Hannesdótt-
ir er landsbókavörður og
svaraði hún nokkrum
spurningum.
– Segðu okkur frá tilurð
þessara námskeiða ...
„Þessi námskeiðaröð er
nýjung í rekstri safnsins
en í fyrrasumar vorum við
með dagskrá í tengslum
við Menningarnótt sem við
kölluðum Galdrar í Þjóðar-
bókhlöðu. Þetta var gríð-
arlega vinsælt og hér var
húsfyllir af fólki á öllum
aldri. Þá datt okkur í hug
að halda áfram að kynna
það efni sem er geymt í
Landsbókasafni og tengja
það við ýmiss konar fræða-
störf sem verið er að vinna úti um
allt. Í Landsbókasafninu eru gríð-
arlega margir fjársjóðir. Við
geymum hér allar bækur sem
gefnar hafa verið út á Íslandi,
mikið af gömlum og nýjum hand-
ritum og bréfum sem okkur hefur
verið falið til varðveislu og við er-
um líka með tónlistardeild þar
sem gestir geta hlustað einkum á
íslenska tónlist.
Okkur langaði til að opna eitt-
hvað af þessum gullkistum og gefa
fólki tækifæri til að koma hingað
inn í húsið. Þjóðarbókhlaðan er
yndislegt og fallegt hús sem býður
fólk velkomið og hér höfum við
góða aðstöðu til að halda nám-
skeið og uppákomur og hér er góð
veitingastofa.“
– Hvaða námskeið eru þetta og
hverjir leiðbeina?
„Þetta verða alls sjö námskeið
sem tengjast íslenskri menningu
og fróðleik ýmiss konar og því efni
sem hér er innan dyra. Við byrjum
á námskeiði um Rapp og rímur,
29. janúar, en eins og allir vita er
mikið til af rímnakveðskap hér í
húsinu og rappið hefur tekið þenn-
an kveðskap upp á sína arma og
tengt þar saman gamalt og nýtt.
Síðan koma sex námskeið sem eru
haldin í samvinnu við Reykjavík-
urakademíuna. Fyrsta námskeið-
ið er um Stephan G. Stephansson,
5. og 12. febrúar, sem Viðar
Hreinsson heldur en hann hefur
nýlokið við að skrifa bók um
skáldið og mun segja frá þeim
gögnum sem hann notaði. Næst
verður Auður Ingvarsdóttir með
námskeiðið Konur í fornöld, 19. og
26. febrúar, þar sem fjallað verður
um stöðu kvenna í fornöld og hún
borin saman við stöðu kvenna í nú-
tímanum. Þá kemur námskeið um
Ímynd Íslands að fornu og nýju
sem Sumarliði B. Ísleifsson er
með en það tengist líka sýningu
sem er núna í Landsbókasafni um
skylt efni. Davíð Ólafsson kynnir
bókmenntir í bændasamfélagi 19.
aldar þar sem hann kynnir m.a.
dagbækur og persónuleg skrif á
19. öld. Síðan verða tvö námskeið
sem Viðar Hreinsson heldur. Ann-
að er kallað Orðin í snjónum þar
sem m.a. er sagt frá
manninum sem lærði
að skrifa með sóti á
skininn hrossakjálka
en varð síðan merkur
barnakennari. Síðasta
námskeiðið á vorinu, Orð og and-
óf, fjallar um kolbíta og utan-
garðsmenn í íslenskum bók-
menntum og er haldið 16. og 23.
apríl.
Þar að auki erum við með nám-
skeið sem tengjast rafrænum
landsaðgangi og kynningu á
hvar.is sem er heimasíða fyrir þau
fjölþættu gögn sem aðgengileg
eru öllum Íslendingum.“
Fyrir hverja eru námskeiðin?
„Námskeiðin eru fyrir allan al-
menning, sem hefur áhuga á ís-
lenskum, þjóðlegum fróðleik. Þau
eru yfirleitt tvö miðvikudagskvöld
klukka 20–22 og kennslan fer
fram í fyrirlestrarsal Þjóðarbók-
hlöðunnar við Arngrímsgötu.“
– Er eitthvað sérstakt um upp-
byggingu og efnistök námskeið-
anna að segja?
„Með þessum námskeiðum vilj-
um við vekja athygli á þeim mikla
safnkosti sem hér er og margir
vita ekki um. Það hefur líka verið
mikill misskilningur í gangi að
undanförnu að húsið sé lokað
ungu fólki. Við tökum á móti öllum
sem hingað vilja koma, en ung
börn geta aðeins komið í fylgd
með fullorðnum og unglingar ef
þeir eiga erindi, t.d. til að afla sér
upplýsinga og til að fá safnkynn-
ingu. Útlán og lestraraðstaða er
aðeins fyrir þá sem eru 18 ára og
eldri. Allir geta komið á námskeið,
sýningar og annað sem við bjóð-
um. Landsbókasafn er stærsta
rannsóknarbókasafn landsins og
hefur því öðrum skyldum að
gegna en almenningsbókasöfnin.“
– Hver er þörfin fyrir námskeið
af þessum toga?
„Námskeið þessi eru nýlunda í
starfsemi safnsins og tilraun okk-
ar til að kynna fólki það sem hér
er á boðstólum og bjóða gesti vel-
komna í húsið. Ég vona að menn
hafi áhuga á því að skoða efni
safnsins og hlusta á skemmtilegt
og fróðlegt efni, tilreitt
af þeim sem vel þekkja
til.“
– Hvað með fram-
haldið?
„Næsta skref í að
kynna safnið er að hafa hér Opið
hús fyrsta sunnudag í hverjum
mánuði. Þá verður dregið fram
eitthvað spennandi og kynnt sér-
staklega. Byrjað verður á því 2.
febrúar að kynna handrit og gaml-
ar gersemar. Þá verður Kvenna-
sögusafnið kynnt 2. mars og síðan
verður kynning á ljóðum íslenskra
kvenna þann 6. apríl. Þessu fylgir
svo kynnisferð um safnið.“
Sigrún Klara Hannesdóttir

Dr. Sigrún Klara Hannes-
dóttir er fædd á Seyðisfirði 9.
október 1943. Hún tók við emb-
ætti landsbókavarðar í apríl
2002, fyrst kvenna. Fram-
kvæmdastjóri Nordinfo í Hels-
inki 1998–2002. 1975–1998 kenn-
ari í bókasafns- og upplýsinga-
fræði við félagsvísindadeild HÍ,
lektor til 1992, prófessor þar eft-
ir. BA í ensku við HÍ, MA í bóka-
safnsfræði frá Wayne State í
Detroit og doktorsgráðu í bóka-
safns- og upplýsingafræði frá
University of Chicago. Hún á
einn son og eitt barnabarn.
Námskeið
þessi eru
nýlunda
„ÞETTA er ótrúlega lítið mál,“
voru orð sem Guðmundur Gíslason
frá Selsundi lét falla þegar stór
kranabíll lyfti 15 tonna húsi hans,
sem stóð á jörðinni Núpakoti í
Rangársveit, í vikunni. Nokkuð er
um liðið síðan Guðmundur festi
kaup á húsinu og ætlunin var að
flytja það heim að Selsundi undir
Heklu sem er um 80 kílómetra leið.
„Okkur vantaði íbúðarhús,“
sagði Guðmundur og átti við eig-
inkonu sína, Björk Rúnarsdóttur
og dótturina Gunnheiði, sem er
innan við ársgömul. Hann segir
húsið vel byggt og henta fjölskyldu
sinni vel.
Hann hafði unnið að því ásamt
félögum sínum að losa húsið síðan
fyrir jól en með nokkrum hléum
eins og gengur og gerist. Síðasta
daginn hafði rafmagn og vatn ver-
ið aftengt.
Upphaflega þegar húsið var
byggt var gert ráð fyrir að það
yrði færanlegt en búið var að
grafa að því og erfitt að komast
undir það. Guðmundur notaði því
bæði vélskóflu og eins handmokaði
hann undir húsið til að hægt væri
að smokra þangað kranavírunum.
Guðmundur segist hafa tekið
þátt í húsaflutningum áður og
þekkir því vel til verksins. Þetta
hús, sem er úr timbri, er þó þyngra
en hann hélt. En hann er sáttur
með hvernig til tókst og segir hús-
ið munu sóma sér vel undir Heklu.
Keypti hús
og flutti að
Heklurótum
Morgunblaðið/RAX
Guðmundur Gíslason frá Selsundi réttir hús sitt af þegar því er lyft með
stórum krana á vörubílsvagn til flutnings.
STJÓRN Íbúðalánasjóðs (ÍLS) hef-
ur í kjölfar umsagnar Ríkisendur-
skoðunar samþykkt tillögur innra
eftirlit sjóðsins og KPMG-ráðgjafar
um aðgerðir til að bæta móttöku og
umsýslan fasteignaveðbréfa og hús-
bréfa hjá sjóðnum.
Í tilkynningu ÍLS er bent á að
þegar uppi hafi komist um svik fast-
eignasölunnar Holts hafi strax verið
gerðar úrbætur á vinnulagi sjóðsins
að því er snertir skipti á fasteigna-
veðbréfum fyrir húsbréf.
Skýr viðbrögð ef
frávik koma upp
Markmið aðgerðanna nú sé að
draga úr hættu á fjársvikum vegna
viðskipta með fasteignaveðbréf og
húsbréf án þess að skerða viðskipta-
frelsi kaupenda og seljenda eða að
draga úr núverandi þjónustustigi hjá
sjóðnum; í mörgum tilvikum sé þó
verið að skerpa á vinnubrögðum sem
tíðkast hafi hjá Íbúðalánasjóði.
Helstu tillögur til úrbóta fela í sér að
útbúnar verði skýrar og myndrænar
vinnuleiðbeiningar vegna móttöku
fasteignaveðbréfa og útgáfu hús-
bréfa, gerðar verði skriflegar vinnu-
leiðbeiningar um meðhöndlun á
framsali fasteignaveðbréfa og við-
brögð ef frávik koma upp. Þá verði
komið á formfastri skráningu fram-
sala með nýrri forprentun fasteigna-
veðbréfa og aukin áhersla verði lögð
á tryggan samlestur á kaupsamn-
ingi, fasteignaveðbréfi og kauptil-
boði. Þá verði fasteignaveðbréfi vís-
að frá við fyrsta frávik í frágangi
framsals með skýrum kröfum um
lagfæringu og sömuleiðis verði sam-
ræmd betur svörun yfirmanna og
sérfræðinga til starfsfólks vegna
mats á frágangi skjala, innleitt verði
formlegt ferli vegna móttöku og
meðhöndlunar á kvörtunum og
ábendingum.
Einnig mun Íbúðalánasjóður upp-
lýsa og brýna betur fyrir fasteigna-
sölum og fjármálafyrirtækjum regl-
ur um frágang fasteignaveðbréfa og
meðhöndlun þegar frávik koma upp
auk þess sem aukin áhersla verði
lögð á að upplýsa og fræða kaupend-
ur/seljendur um gildi framsals og
framgang viðskipta, segir í tilkynn-
ingu ÍLS.
Unnið að
úrbótum
hjá Íbúða-
lánasjóði