Réttur - 01.04.1972, Blaðsíða 73

muth, Babel og Pasternak, svo ekki sé talað
um Hegel, Lenín, Marcuse, Adorno, Lucács,
Che Guevara og Castro.
Og tengdar bókaútgáfunni eru átta bóka-
verzlanir, á bezai stöðum aðalborga Italíu.
Aðaltímarit bandarískra bókaverzlana, „Publ-
ishers Weekly", segir að „til þess að þekkja
pólitíska hugsun í Italíu, verða menn að
sækja Feltrinellibókaverzlunina í Róm, Mil-
ano, Bologna etc."
Lífsverk þessa kommúnistiska miljóna-
mærings er því í alla staði hið merkilegasta.
Borgarablöð heims rituðu mikið um sérvizku
hans, en minna um menningarafrekið. Talið
er að kona hans, Inge, muni halda áfram
merki hans. Þau eiga sex ára son, Cirlo. For-
stjóri stofnunarinnar og samstarfsmaður
Feltrinellis heitir Del Bo, prófessor.
ECUADOR
Það er alltaf erfitt að átta sig á því til
fulls, hvað í valdatöku herforingja í löndum
Suður-Ameríku felst. Venjulega er það aftur-
haldið, sem þannig tekur völdin, en þó kemur
fyrir, eins og í Peru, að þjóðlega hugsandi
herforingjar eru að reyna að losa land sitt
undan oki auðhringanna í Bandaríkjunum og
bandamanna þeirra.
Svo virðist vera um þá valdatöku, sem
framkvæmd var í Ecuador 15. febrúar sl. af
herforingjum, er gerðu Velasco Iburra að for-
seta. Þeir segjast ætla að koma á aftur stjórn-
arskránni frá 1945, hinni róttækustu, er gilt
hefur þar í landi. Þá segjast þeir og ætla að
sjá til þess að þjóðarauðurinn verði hagnýttur
í þágu alþjóðar og lífskjör alþýðu bætt. Er
sízt vanþörf á slíkum umbótum, því 57,5%
af þjóðartekjunum renna til yfirstéttar, sem
er 2% þjóðarinnar. Vinstri flokkar landsins,
þar á meðal kommúnistaflokkurinn hafa tek-
ið afstöðu með stjórninni. Er nú eftir að sjá
hvern'g henni gengur að efna loforðin.
„INTERNATIONALINN“
Höfundur alþjóðasöngs verkalýðsins, —
„Fram þjáðir rnenn í þúsund löndum," —
er Engene Pollier. Hann var fæddur í París
4. október 1816. Fjórtán ára gamall orti
hann fyrsta söngljóð sitt „Lengi lifi frelsið."
Hann barðist með verkalýð Parísar í götu-
vígunum 1848. Pottier var kosinn fulltrúi í
borgarráð Parísar, — Kommúnunni — 1871
og barðist með verkamönnum, unz böðlar
afturhaldsins höfðu kæft byltinguna í blóði.
Þegar hann var í felum í útborgum Parísar
eftir blóðbaðið, orti hann „Internationalinn",
í júní 1871. Hann varð að flýja land, fyrst
til Englands, síðan til Bandaríkjanna 1873-
Tók hann þar þátt í sósíalistisku verklýðs-
hreyfingunni. Eftir að sakaruppgjöf var veitt
kommúnördunum 1880 sneri hann heim til
Frakklands, starfaði í róttæka sósíalista-
flokknum þar. Hann dó fátækur verkamaður
eins og hann hafði lifað árið 1887 og var
jarðaður í Pére Lachaise-kirkugarðinum, þar
sem kommúnardarnir hvíla. Verkamenn
Parísar fylgdu honum þúsundum saman til
grafar og áttu í sífelldu höggi við lögregluna,
sem réðst á líkfylgdina til þess að reyna að
ná rauða fánanum, sem yfir henni blakti.
„Internationalinn" varð fyrir verk Potti-
ers hin hrífandi kveðja frönsku kommúnard-
anna til verkalýðsins og allra undirokaðra
í öllum löndum heims.
Sjö mánuðum eftir lát Pottiers, í júní
1888, sá Pierre Degeyter texta alþjóðasöngs-
ins í fyrsta sinn, hreifst af þrótti hans og
eggjan, samdi á einni nóttu lagið við söng-
121