Náttúrufræðingurinn - 1993, Síða 92

Fréttir
GREIND OG GEÐHEILSA
GEIMVERUVINA
Kanadískir sálfræðingar rannsökuðu
nýlega menn sem segjast hafa séð
fljúgandi furðuhluti eða kynnst áhöfn-
um þeirra, annaðhvort við bein kynni
eða hugsanaflutning. í grein í tíma-
ritinu Abnormal Psychology komast
höfundar að þeirri niðurstöðu að
ekkert bendi til að þeir sem tilkynnt
hafi um fljúgandi furðuhluti (UFO
reporters) séu undir meðallagi að
greind, né heldur séu þeir öðrum
mönnum geðtruflaðri eða þeim hætti
fremur til draumóra eða hugarburðar.
(New Scientist, 6. nóv. 1993.)
HAMSTRAR AFVATNAÐIR MEÐ
FORNRI KÍNVERSKRI AÐFERÐ
Gullhamstrar eru mikið fyrir áfengi
ef þeim stendur það til boða. Til-
raunadýr neyta daglega áfengis sem
svarar til þess, miðað við þyngd, að
maður drykki kassa af léttu víni dag-
lcga (Islendingar skilja dæmið kannski
betur ef þetta er umreiknað yfir í einar
þrjár flöskur af brennivíni). Nagdýrin
slaga samt hvorki né sýna aðrar
hegðunarbreytingar af drykkjunni.
Fræðimenn við Harvard-læknaskól-
ann í Boston gáfu dýrunum safa úr rót-
um af kudzu, vínviði, Pueraria lobatci,
sem Kínverjar hafa notað til að lækna
drykkjusýki að minnsta kosti frá því
200 f.Kr. Aðrir hamstrar fengu lyf
unnin úr rótunum, sumir daidzin en
aðrir daidzein, sem hvor tveggja eru
efni af flokki ísóflavóna. í ljós kom að
meðferðin dró mjög úr vínhneigð
hamstranna. Þeir gátu valið milli
hreins vatns og 15% alkóhólblöndu.
Afengisneysla dýranna í öllum þremur
flokkunum minnkaði um helming.
Wing-Ming Keung og Bert Wallee,
höfundar skýrslunnar sem birtist í byrj-
un nóvember 1993 í Proceedings of the
National Academy of Sciences,
hyggjast kanna frekar hvernig diadzin
og daidzein dragi úr áfengisþörf og
vonast til að fá fram nýja aðferð til
að lækna áfengissýki með lyfjum.
(New Scientist, 6. nóv. 1993.)
Þýtt og endursagt:
Örnólfur Thorlacius
Náltúrufræðingurinn 63 (1-2), bls. 86, 1993.
86