Andvari - 01.01.1986, Side 13

ANDVARI
GUNNAR THORODDSEN
11
Fyrir framgangi þeirra beitti Gunnar Thoroddsen sér af atorku
þegar hann var fyrst kjörinn á þing þremur árum seinna og það var
engin tilviljun að fyrsta frumvarpið sem hinn ungi þingmaður flutti
var um stofnun embættis opinbers ákæranda og þær umbætur í
réttarfari sem því tengdust. Ekki er ofmælt þó sagt sé að hann og
aðrir ungir. menn sem síðar áttu eftir að taka við forystuhlutverki í
Sjálfstæðisflokknum hafi mótað störf sín og stefnu á þeim hugsjóna-
grundvelli sem hér var af stórhug og framsýni lagður. Stefna sam-
hjálpar og félagslegra umbóta hefur ætíð síðan verið einn af horn-
steinum flokksins og átt sinn þátt í því að gera hann að sterkasta
stjórnmálaafli þjóðarinnar.
2
Vorið 1929 útskrifaðist Gunnar sem stúdent frá Menntaskólanum
í Reykjavík. Enn haföi hann þá ekki ráðið við sig hvaða grein yrði
fyrir valinu í háskóla.
„íslensk fræði og bókmenntir voru mér sérlega hugstæð,“ segir
hann í minningum sínum, „en vegna vaxandi áhuga á stjórnmálum
fór það að koma í ríkara mæli upp í huga mér, hvort lögfræðin
myndi ekki falla einna best að stjórnmálaáhuga og stjórnmálastarfí.
Þegar leið á sumarið komst ég að niðurstöðu. Þá var stjórnmála-
áhuginn orðinn það ríkur að hann haföi sín áhrif á valið. Aldrei hef-
ur mig iðrað þeirrar ákvörðunar.“
í lagadeild Háskólans hóf hann nám um haustið. En ákvörðunin
um að nema lög var þó ekki einvörðungu byggð á stjórnmálaáhuga:
„Ég hafði jöfnum höndum áhuga á vísinda- og fræðistörfum. Strax
á fyrsta vetri mínum í lagadeild óx áhugi minn á því að leggja fyrir
mig lögvísindi í því skyni að verða, þegar tímar liðu, fræðimaður og
kennari í lögum.“
Það sem hér var sagt átti eftir að rætast. Áratug síðar, 1940, var
Gunnar ráðinn prófessor við lagadeild Háskólans þar sem hann
starfaði við hinn besta orðstír þar til hann varð borgarstjóri í Reykja-
vík 1947.
Líkt og í menntaskóla tók Gunnar mikinn þátt í félagslífi á há-