Andvari - 01.01.1986, Síða 16

14
GUNNAR G. SCHRAM
ANDVARI
varð hann kjördæmakjörinn þingmaður þar. Þingmaður Snæfell-
inga var hann til 1949 er hann bauð sig fram í Reykjavík. Þá hafði
hann gegnt þar borgarstjórastarfí í tvö ár.
Þingmaður Reykvíkinga var hann til 1965 er hann tók við embætti
sendiherra íslands í Kaupmannahöfn.
Gunnar varð íjármálaráðherra í nóvember 1959 þegar ríkisstjórn
Sjálfstæðisflokks og Alþýðuflokks var mynduð undir forsæti Ólafs
Thors. Fékk hann þá lausn frá borgarstjórastörfum sem hann hafði
þá gegnt í 12 ár.
Þegar Gunnar gerðist sendiherra íslands í Kaupmannahöfn vorið
1965 urðu þáttaskil í lífi hans. Að baki var nær þriggja áratuga þing-
mennskuferill og hið erilsama og erfiða fjármálaráðherrastarf í nær
sex ár. Framundan voru nú tæp fimm ár í borginni við Sundið þar
sem tekist var á við önnur verkefni en næði gafst jafnframt til þess að
kanna hinar fornu lögbækur í Konungsbókhlöðu. Að því loknu
framboð í forsetakosningum 1968, þar sem dr. Kristján Eld-
járn bar hærri hlut frá borði. Einu og hálfu ári síðar tók hann við
embætti hæstaréttardómara nokkra hríð. Þá stóð Gunnar á sextugu
og hefði vel mátt ætla að á þeim vettvangi myndi starfsdegi hans
ljúka. Svo átti þó ekki að verða.
í kosningunum 1971 var hann aftur kjörinn sem þingmaður
Reykvíkinga, eftir að hafa fagnað góðum sigri í prófkjöri flokksins
sem þá var haldið í fyrsta sinn til Alþingis. Þegar ríkisstjórn Sjálf-
stæðis- og Framsóknarflokks var mynduð undir forystu Geirs Hall-
grímssonar í ágúst 1974 varð Gunnar iðnaðar- og félagsmálaráð-
herra. Sú stjórn sat til enda kjörtímabilsins 1978.
í febrúar 1980 myndaði Gunnar ríkisstjórn með Framsóknar-
flokki, Alþýðubandalagi og hluta þingmanna Sjálfstæðisflokksins.
Var hann forsætisráðherra þar til stjórnin lét af störfum vorið 1983
er kjörtímabilið var á enda.
Hér hafa verið raktir meginþættirnir í starfssögu Gunnars Thor-
oddsen. Á langri ævi gegndi hann einnig fjölmörgum öðrum trún-
aðarstörfum og verður hér nokkurra þeirra getið.
Formaður Heimdallar var hann 1935—1939 og formaður Sam-
bands ungra sjálfstæðismanna 1940—1942. í miðstjórn Sjálfstæðis-
flokksins var hann kjörinn 1948 og átti þar sæti í tæp 30 ár. Varafor-
maður Sjálfstæðisflokksins 1961-1965 og 1974-1981. Formaður
þingflokks Sjálfstæðisflokksins 1973—1979. Gunnar átti sæti í stjórn-