Andvari - 01.01.1986, Page 41

ANDVARI
GUNNAR THORODDSEN
39
göngu og frumkvæði í þessum efnum. Unnið var að undirbúningi
°S byggingu nýrra virkjana, Sigöldu- og Hrauneyjarfossvirkjunar og
stækkun Búrfellsvirkjunar, auk rannsókna á virkjun í Blöndu og við
Villinganes í Skagafirði.
Þegar árið 1974 voru sett lög um Hitaveitu Suðurnesja og virkjun
Bessastaðaár í Fljótsdal. Orkubú Vestfjarða var síðan sett á laggirnar
árið 1976. Grundvöllur að nýrri stóriðju var lagður með löggjöf sem
Alþingi samþykkti 1975 um járnblendiverksmiðju í Hvalfirði sem
var sameign íslendinga og Norðmanna. Jafnframt var samningur-
inn um álverksmiðjuna í Straumsvík tekinn til endurskoðunar 1976.
Áður en ríkisstjórnin tók við völdum höfðu að frumkvæði fyrri
stjórnar verið sett lög um jarðgufuvirkjun við Kröflu. Eftir að fram-
kvæmdir hófust kom í ljós að forsendur um orkumagn svæðisins
stóðust ekki svo sem við hafði verið búist og olli það vonbrigðum þar
sem miklu hafði verið til kostað.
Á sviði iðnaðarmála almennt er ástæða til að geta tveggja laga sem
sett voru árið 1978. Hin fyrri voru ný almenn iðnaðarlög sem leystu
eldri iðnlöggjöf af hólmi og taka til rekstrar hvers konar iðnaðar hér
á landi í atvinnuskyni. Var slíkrar löggjafar orðin inikil þörf.
Þá hafði ráðuneytið forgöngu um að sett var á laggirnar Iðntækni-
stofnun íslands með sérstökum lögum. Hlutverk hennar er að vinna
að tækniþróun og aukinni framleiðni í íslenskum iðnaði með því að
veita iðnaðinum sérhæfða þjónustu á sviði tækni og stjórnunarmála
og stuðla að hagkvæmri nýtingu íslenskra auðlinda. Hefur þessi
stofnun reynst hin gagnlegasta svo sem fyrirrennari hennar.
Sem félagsmálaráðherra beitti Gunnar sér fyrir setningu fyrstu
jafnréttislaganna, um jafnrétti kvenna og karla 1976, sem lengi hafði
verið baráttumál samtaka kvenna, setningu nýrra byggingarlaga
1978 og endurskoðun laganna frá 1938 um stéttarfélög og vinnu-
deilur. Gunnar vildi færa þau í nútímalegra horf og stuðla með því
að bættum vinnubrögðum við gerð kjarasamninga. Leiddi sú endur-
skoðun til lögfestingar nýrra ákvæða um hlutverk sáttasemjara ríkis-
ins sem þá var gert að föstu embætti í fullu samráði við aðila vinnu-
markaðarins.
Þá skal þess og getið að á vorþinginu 1978 bar Gunnar, sem félags-
málaráðherra, fram frumvarp að nýrri og merkri heildarlöggjöf um
umhverfismál sem hafði að geyma mörg efnisleg nýmæli og umbæt-
ur í stjórnsýslu á þessu sviði. Ríkisstjórnin lét af völdum skömmu