Andvari - 01.01.1986, Page 116

AÐALGEIR KRISTJÁNSSON:
Gísli Brynjúlfsson
og Norðurfari
Sunnudaginn 27. febrúar 1848 ákváðu þrír ungir menn við nám í Kaup-
mannahafnarháskóla að gefa út „skáldskapar-tímarit, sem við sjálfír gætum
frjálslega ráðið stefnunni á óbugaðir af öllum eldri mönnurn." Heimildin
um stofnun þessa rits er Dagbók í Höfn sem Gísli Brynjúlfsson ritaði árið
1848 og oft verður vitnað til hér á eftir. — Þremenningarnir hétu Benedikt
Gröndal, Gísli Brynjúlfsson og Jón Thoroddsen, sem kallaði sig Jón Þórð-
arson á þessum árum. Hann var þeirra elstur, fæddur 5. október 1818. Jón
lauk stúdentsprófí frá Bessastaðaskóla árið 1840 og hóf háskólanám ári
síðar. Hann fær þann vitnisburð hjá Benedikt Gröndal í Dœgradvöl að hann
hafi verið „latur að lesa“, enda fór svo að hann lauk aldrei háskólaprófi í
lögum eins og að var stefnt. Talið er að námið hafi gengið skrykkjótt, enda
orti hann um sjálfan sig á þessa leið 1842:
Ekki er sagan álitlig:
úti á konu fjalla,
bœði þý og búi mig
brota-stúdent kalla.1
Hins vegar tók Jón virkan þátt í félagslífi og fundahöldum íslendinga og
starfaði í Fjölnisfélaginu eins og þeir gerðu einnig Benedikt Gröndal og
Gísli Brynjúlfsson.
Benedikt Gröndal var fæddur 6. október 1826 og stúdent frá Bessastaða-
skóla 1846. Eftir að hann hafði lokið tilskildum prófum hóf hann nám í
náttúrufræði við Hafnarháskóla. Jafnframt vann hann ýmis önnur störf og
má nefna að hann skrifaði upp ljóðmæli Jónasar Hallgrímssonar undir
prentun 1847. Hann var einnig Konráði Gíslasyni til aðstoðar við orðabók-
arstörf og er frá því greint í Dægradvöl. Gísli Brynjúlfsson var þeirra
yngstur, fæddur 3. september 1827. Hann lauk stúdentsprófi frá Bessa-
staðaskóla vorið 1845 og sigldi samsumars til Kaupmannahafnar og hóf
nám í lögfræði að undirbúningsprófum loknum.2