Andvari - 01.01.1957, Qupperneq 20

16
J. Eyþórsson
ANDVAM
væri honum áreiðanlega fremri að íslenzkri náttúruþekkingu og
jarðfræðikunnáttu almennt.
Sumarið 1924 fara þeir Pálmi og Nielsen um Hlöðuvelli og
Hagavatn upp að Hvítárvatni en síðan austur í Nauthaga og
Arnarféll. Dagbók Pálma frá þessari ferð er ekki hreinrituð, en
margar fróðlegar athuganir eru þar skráðar.
Frá árunum 1925 og 1926 virðast ekki vera til ncinar dag-
bækur um rannsóknaferðir, en sumarið 1927 gerir Pálmi út
mikinn leiðangur að vesturjaðri Vatnajökuls og til Veiðivatna
ásamt Steinþóri Sigurðssyni, sem þá var við nám, og Niels
Nielsen. Gerði Steinþór kort af svæðinu, sem þá var ómælt, en
Nielsen skrifaði allmikla ritgerð um landmyndun á svæði þessu.
Var Pálmi hverjum manni kunnugri jarðfræði og staðháttum við
Veiðivötn og í Tungnaárfjöllum, en þar liefur til skannns tíma
verið lítt kannaður tröllaheimur.
1928 er dagbók með ýmsum atluigunum á Fléraði og Aust-
fjörðum, en fremur lausleg. Frá þessu sumri er einnig lýsing a
Heljardal.
Margt af því, sem skráð er í dagbókum þessara ára, hefur
Pálmi dregið saman 1 ritgerð þá, er birtist í tímaritinu Rétti,
12. og 13. árg. (Akureyri 1927/28) undir fyrirsögn: Frá óbyggð'
um I. ArnarvalnsheiÓi, Kjölur og Eyvindarstaðaheiði. Skiptist
greinin í fjóra kafla: A: Inngangur, B: Arnarvatnslieiði, C: Kjölur
og D: Eyvindarstaðaheiði. Tekur lýsing Pálma mjög fram eldri
lýsingum af þessum slóðum. Er þar mikinn örnefnafróðleik og
jarðfræðilegar skýringar að finna, þótt stöku atriði hafi þurft að
leiðrétta við nánari kynni.
Árið 1929 verður hlé á rannsóknum Pálma, enda hafði hann
þá ærið að starfa á öðru sviði, því að þá um haustið var hann
settur rektor Menntaskólans í Reykjavík og skipaður í það env
hætti 4. sept. 1930. Verður nánar rætt um það hér á eftir.
Sumarið 1930 tekur Pálmi aftur upp rannsóknaferðir. Fra
því ári er til ágæt dagbók um Hofsafrétt í Skagafirði og rann-
sóknir á fjám og rústum, einkum Orravatnsrústum. Mælingar,