Andvari - 01.01.1944, Blaðsíða 76

72
Steingrímur Steinþórsson
ANDVARI
efni, sem landbúnaðinum koma að miklu gagni, verða þá fram-
leidd og notuð.
Ýmsar kynjasögur ganga um hluti, sem eru að gerast í þess-
um efnum. Svo að eitthvað sé nefnt, þá er sagt, að farið sé að
framleiða kjöt með hjálp gerla í rannsóknarstofum. Til þeirrar
framleiðslu þurfi aðeins lítilfjörlegt herbergi, þar sem ílát sé
með viðeigandi gerlagróðri og næringarefnaupplausn. Ef þetta
er hægt, verður að ætla, að mjólk, korn og grænmeti megi fram-
leiða á svipaðan hátt. Ef þetta heppnaðist, mundi mesta og af-
drifaríkasta bylting í atvinnuháttum, sem sagan hefur þekkt,
riða yfir. Þá mundu öll vandamál varðandi landbúnaðinn, af-
stöðu hans til annarra atvinnuvega og stöðu hans í þjóðfélag-
inu verða leyst. Mér virðist þó, að búast megi við, að ýmis
önnur erfið úrlausnarefni muni sigla í kjölfar þessarar bylt-
ingar. Úrlausnarefni, sem ef til vill yrði ekki léttari viðfangs,
en þau, sem nú er við að glima.
Hér mun þó ekki farið út í neinar bollaleggingar um slík
æfintýr sem það, að hvert heimili geli framleitt öll, eða því nær
öll, matvæli sín í kjallarahorni í íbúð sinni. Enn teljum vér
slíkt heyra til æfintýrum í „Þúsund og einni nótt“, þótt vel
kunni svo að fara, að þau verði að veruleika áður en langt
liður. Það mun því gert ráð fyrir, að búskapur verði enn um
sinn rekinn eftir sömu meginlínum sem hér hafa tíðkazt. Það
er, að aðalframleiðsluvörur voi- Islendinga verði mjólk, kjöt
og aðrar sláturafurðir, egg, garðávextir og korn. Ræktun verði
að sumu leyti framkvæmd við venjuleg náttúruskilyrði, svo
verði það um alla grasrækt. En að sumu leyti verði ræktað í
húsum inni — vermihúsa- eða ylrækt.
IV.
Allur landbúskapur styðst við það að sækja auðæfi í skaut
móður jarðar. Það er frjómáttur moldarinnar, sem bóndinn
verður að kunna að hagnýta sér, gera sér undirgefinn, svo að
moldin færi honum björg i bú. Ræktun jarðarinnar er í þvi
fólgin, að þau frjómögn, sem moldin geymir, geti fóstrað og
fætt jurtagróðurinn, sem svo er hagnýttur á ýmsan hátt. Allui'