Menntamál - 01.04.1937, Qupperneq 78

72
MENNTAMÁL
hverjir, og liljóta því að vinna í hans anda að meira eða minna
leyti. Kennararnir vilja líka taka undir með framtíðinni, þegar
þeir þakka Sigfúsi Einarssyni. Þeir vita, að á morgnana mun
verða sungið: „Yaknaðu, litli vinur minn, vorið er að gægjast
inn.“ Og á kvöldin mun verða raulað: „Brátt mun birtan dofna,
barnið á að sofna, þey, þey og ró, ró.“ Og fullþroska æskumenn
munu syngja: „Þú, álfu vorrar yngsta land, vort eigið lang, vort
fósturland, sem framgjairns unglings höfuð hátt, þín hefjast
fjöll við ölduslátt.“ Sigfús hefir ort um vetur, sumar, vor og
hrímkalt haust. Hann hefir kveðið Iívennaslag og Fánalag.
Þannig hefir hann öllum eitthvað að hjóða, og getur því í fram-
tíðinni vakað yfir þroska þjóðarinnar. P. H.
Nokkur kosnlngamál kennara.
Menntun kennara. Nefnd sú, sem skipuð var af kennslumála-
ráðli. síðastl. iiaust, til að gera tillögur um menntun kennara-
efna, skilaði , áliti i marz. Frumvarp, sem nefndin samdi, var
borið fram í neðri deild Alþingis, en kom eigi til umræðu að
þessu sinni. Ilefir frumv. verið sent öllum kennurum landsins
til umsagnar. Er þess að vænta, að sem allra flestir kennarar
láti uppi álit sitt um þetta merka mál, og sendi fræðslumála-
stjóra. Frumvarpið er í öllum meginatriðum samhljóða tillögum
S.Í.B., er samþykktar hafa verið á tveimur undanförnum full'-
trúaþingum. Er því ekki að efa, að kennarar taka máli þessu
vel, nú sem áður. En nú ríður á að fylgja því fast fram til sig-
urs. Æskilegt væri, að sem flestir kennarar og kennarafélög
ræddu málið við frambjóðendur i vor, og sendu jafnframt á-
skoranir um lausn þess til Alþingis, er koma mun saman næsta
haust.
Bygging heimavistarskóla. Svo sem kunnugt er, hafa margar
sveitir víðsvegar á landinu sent umsóknir um ríkisstyrk til
byggingar heimavistarskóla, og á mörgum stöðum öðrum er
málið í undirbúningi. Nú sýnist því vera kjörið tækifæri fyrir
kennara, skólanefndaformenn og aðra áhugamenn, um þetta mál,
að skera upp herör fyrir kosningarnar og láta samþykktum og
áskorunum rigna yfir frambjóðendur og væntanlega aljiingis-
menn. Þetta ætti að vera því auðveldara, sem bæði þing Al-