Iðunn : nýr flokkur - 01.04.1929, Side 68

162
Sauðnaut.
IÐUNN.
muni verða arðvænleg, þá »að selja bændum sauðnaut til
uppeldis við sanngjörnu verði«. Hvort leiðangur verður
gerður út héðan til þess að afla nautanna, eða þau
fengin á annan hátt, er enn ekki útkljáð. En svo er
mikill áhugi orðinn á þessu máli, að alt útlit er fyrir, að
hafist verði handa með framkvæmdir strax í sumar. Og
þá er öll von til, að þjóðin vinni sér þá frægð, að bjarga
sérkennilegri dýrategund, sem alt útlit er fyrir að annars
tortímist með öllu af jörðinni, og jafnframt vinni sér það
gagn, að rækta sér hentugt og arðberandi húsdýr.
Ársæll Árnason.
Lifandi kristindómur og ég.
(Skrifað haustið 1926.)
I.
Ritstjóri Bjarma sýndi mér endur fyrir löngu þann
sóma að prenta upp í blað sitt suma kjarnorðustu kafl-
ana úr bók minni Bréfi til Láru. Nokkrar setningar tíndi
hann og til á víð og dreif úr riti mínu. Og vitanlega
sleit hann þær allar út úr samhengi, nákvæmlega eftir
sömu kristilegu meginreglunum og Sigurður Þórólfsson,
skoðanabróðir hans og sálufélagi, er hann reit forðum
daga sína annáluðu endaleysu um Voga Hohlenbergs.
Inn í þessar upp-prentanir úr Bréfi til Láru dreifði
ritstjórinn við og við nokkrum setningum frá eigin brjósti.
Þær áttu víst að heita ritdómur um sitthvað í bók minni.