Kirkjuritið - 01.09.1949, Blaðsíða 62

220
KIRKJURITIÐ
Á síðastliðnu sumri vísiteraði ég Vestmannaeyjar og Dala-
prófastsdæmi og flutti guðsþjónustur á öllum kirkjunum.
Guðsþjónusturnar voru mjög vel sóttar, áhuginn fyrir kirkju-
og kristindómsmálum vakandi og víða mjög mikill. Voru
ferðir þessar yfirleitt mjög ánægjulegar, og vil ég nota tæki-
færið til þess að þakka prestunum, sóknarnefndunum og
söfnuðunum ágætar viðtökur og árna þeim allra heilla og
blessunar Guðs. ,
Aðalfundur Prestafélags íslands var haldinn í Reykjavík
23. júní. Skipa stjórn þess: Prófessor Ásmundur Guðmunds-
son formaður, dr. Bjarni Jónsson vígslubiskup, séra Árni Sig-
urðsson fríkirkjuprestur, séra Sveinbjörn Högnason prófastur
og séra Björn Magnússon dócent.
Deildir Prestafélagsins út um landið hafa einnig verið
starfandi á árinu og haldið sína fundi heima í héruðunum.
Einnig hafa verið háð ýms kirkjuleg mót og fundir, með
líku sniði og undanfarin ár.
K. F. U. M. og K. F. U. K. í Reykjavík áttu bæði 50 ára
afmæli á þessu ári, og var þess minnst með hátíðasamkomum
í samkomuhúsi félaganna hér í höfuðstaðnum.
Útgáfu Kirkjublaðsins og Kirkjuritsins hefir verið hagað
líkt og undanfarin ár. Víðförli kom einnig út síðastliðið ár.
Ennfremur hefir blaðið Bjarmi komið út með líku sniði og
undanfarið. í þessu sambandi vil ég einnig minnast þess með
þakklæti og viðurkenningu, að nokkrir áhugasamir prestar
hafa nú í ár og sumir undanfarin ár gefið út safnaðarblöð,
einkum ætluð söfnuðunum. Má þar nefna Geislann á Bíldudal,
Kirkjuklukkuna á Siglufirði og Æskulýðsblaðið á Akureyri,
sem sérstaklega er helgað æskunni þar. Slík safnaðarblöð
geta haft og hafa mikla þýðingu fyrir kirkju og trúarlíf á
hverjum stað. Væri því æskilegt, að fleiri prestar sæju sér
fært að taka upp þessa starfsemi í sóknum sínum.
Af bókum kirkjulegs eða trúarlegs efnis hefir fátt verið
gefið út á árinu. Vil ég þar einkum nefna þessi rit: Fjallræða
Jesú og dæmisögur eftir próf. Ásmund Guðmundsson, hand-
hægar og glöggar skýringar yfir fjallræðu Jesú og dæmi-
sögur. Orð Jesú Krists, samantekin af séra Þorvaldi Jakobs-
syni, þar sem safnað er í eitt orðum og ummælum Jesú