Kirkjuritið - 01.09.1949, Blaðsíða 64
222
KIRKJURITIÐ
sem ég mun leggja fram, hafa messur innan þjóðkirkjunnar
á árinu 1948 orðið alls 3909, og er það rúmlega 100 fleiri
en árið á undan. Þar af hafa almennar kirkjuguðsþjónustur
verið 3182, barnaguðsþjónustur 410 og aðrar guðsþjónustur
317.
Altarisgestir voru 5996, og er það svo að segja alveg sama
tala og árið áður.
Loks vil ég leyfa mér að geta um nokkur merkisafmæli,
sem núverandi og fyrrverandi starfsmenn kirkjunnar hafa átt
á sýnódusárinu, og mér er kunnugt um:
Séra Einar Pálsson f. prestur í Reykholti varð áttræður
hinn 24. júlí.
Séra Haraldur Þórarinsson síðast prestur í Mjóafirði átti
einnig áttræðisafmæli hinn 14. desember.
Séra Vilhjálmur Briem síðast prestur á Staðarstað og nú
forstjóri Söfnunarsjóðs Islands varð áttræður 18. janúar.
Séra Ásgeir Ásgeirsson f. prófastur í Hvammi í Dölum
varð 70 ára 22. september s. 1.
Séra Jón N. Jóhannessen síðast prestur að Stað i Steingríms-
firði átti sjötugsafmæli 6. október.
Þann sama dag, 6. október, varð sextugur prófessor Ásmund-
ur Guðmundsson formaður Prestafélags íslands.
Séra Jósef Jónsson prófastur að Setbergi átti sextugsafmæli
hinn 24. desember s. 1. Hann hefir nú setið prestssetursjörðina
Setberg í 30 ár með mikilli prýði, svo að það er nú ein bezt
ræktaða sveitaprestssetursjörð landsins, og verið prófastur í
Snæfellsnessprófastsdæmi í 10 ár.
Fimmtugir urðu á sýnódusárinu:
Séra Páll Þorleifsson á Skinnastað, 23. ágúst, og séra Sig-
urður Einarsson í Holti 29. oktober.
öllum þessum mönnum flyt ég fyrir mína hönd og kirkj-
unnar innilegar heillaóskir og árna þeim blessunar Guðs.
Skýrslu þessari er nú að verða lokið. Hún segir ef til vill
fæst af starfi kirkjunnar á síðastliðnu sýnódusári. Starf sáð-
mannsins er þess eðlis, að árangurinn af því og ávextir koma
ekki strax í ljós. Drottinn gefur þann ávöxt á sínum tíma.