Kirkjuritið - 01.09.1949, Blaðsíða 102
260
KIRKJURITIÐ
Meiser út af Neh. 2, 17: Komið, vér skulum endurreisa múra
Jerúsalem. Mikils góðs má vænta af þessum samtökum fyrir
Þýzkaland.
Frá landinu helga.
Þar gerast margir atburðir, sumir illir og sumir afar merki-
legir. — Því miður er það nú komið í ljós, að mikið hatur er á
milli hinna rétttrúuðu Gyðinga, sem ekki vilja víkja frá bók-
staf trúarbóka sinna, og Gyðinga þeirra, sem nýkomnir eru frá
Evrópu, sem hafa verið undir áhrifum Kommúnista og Naza.
Hinir rétttrúuðu Gyðingar hafa reynt að þröngva þeim til þess
að halda hvíldardaginn heilagan, ekki að opna kvikmyndahús
á laugardögum fyrr en eftir sólsetur o.s.frv. Hinir „heiðnu“
Gyðingar, eins og hinn flokkurinn kallar þá, hafa hæðzt að
harmakveini hinna rétttrúuðu við Grátmúrinn og á ýmsan hátt
sýnt trú og siðum feðra sinna fyrirlitningu. — Margir eru
hræddir um, að þetta muni koma á stað miklum deilum, og ef
til vill blóðugum bardaga.
Á meðan á þessu gengur á milli Gyðinga, hefir sendiherra
Rússa búið um sig í Tel-Aviv, og kvað hafa fjölmennt sendi-
ráð þar. Búizt er við, að Rússar komi á fót konsúlati í Jerú-
salem bráðlega. Þeir hafa nú látið það boð út ganga, að allir
þegnar Rússa í Palestínu eigi að skrá sig hjá sendiráðinu í
Tel-Aviv. Þetta er álitið fyrsta stigið til þess, að Rússar leggi
undir sig allar eigur hinnar rússnesku kirkju í Palestínu, sem
tilheyra rússneska söfnuðinum, sem var myndaður þar á dög-
um keisaradæmisins, þar á meðal klaustrið á Olíufjallinu.
(Úr bréfi frá Ingibjörgu Ólafsson).
Leiðréttingar.
Úr bréfi séra Jónmundar Halldórssonar í síðasta hefti
Kirkjuritsins féllu fáein orð á bls. 124:
„og“ á milli „nú“ og „jafnan“ í 12. 1. a. o.
„sem síðar lenti í hrakningum í Veiðileysufirði“ á milli „bát-
urinn“ og „naut.“
Á bls. 127, 14. 1. a. o. á að standa: „þessum börnum“ í
stað „þessara barna.“
Sökum rúmleysis
verða að bíða til jólaheftis grein eftir séra Jón Kr. ísfeld
um safnaðarblöð og grein eftir séra Magnús Má Lárusson há-
skólakennara um íslenzkar Biblíuþýðingar.