Kirkjuritið - 01.09.1949, Blaðsíða 47
UM SÁLGÆZLU
205
1 2. kafla stofnskrárinnar eru talin upp störf þau, sem
Heilbrigðisstofnunin hefir með höndum. Þar segir m. a.
að hún eigi ,,að hlynna að starfsemi, er lýtur að andlegri
heilbrigði, einkum þegar keppt er eftir góðri sambúð og
samskiptum manna.“ Ennfremur vill hún „efla samvinnu
milli vísindamanna og starfsstétta, er vinna að framför-
um í heilbrigðismálum." Prestastétt og læknastétt eru
slíkar stéttir. Andleg heilsuvernd er sameiginlegt áhuga-
mál þeirra. Samvinna þeirra í milli um þetta mál þarf
að vaxa og eflast. Víða erlendis hefir þegar verið hafizt
handa í þessu efni. Fjöldi manna úr báðum starfsgreinum
hafa ritað um þessi mál og hvatt til samstarfs. Mörg
þing, skipuð fulltrúum beggja stéttanna, hafa verið haldin,
þar sem menn hafa skipzt á skoðunum og tekið einstök
heilbrigðismál til meðferðar. Var eitt slíkt þing háð á
Norðurlöndum síðastliðið sumar með sameiginlegri þátt-
töku hjúkrunarkvenna, presta og lækna. Og það er ekki
látið sitja við orðin tóm. Starfsvið sjúkrahúspresta hefir
víða verið víkkað verulega, og á stöku stað hafa prestar
tekið að sér ráðunautastarf á heilsuverndarstöðvum, t. d.
á einni merkri stofnun í Stokkhólmi.
Ég hygg, að þetta sýni hvert stefnir í þessum málum.
Skilningurinn á mikilvægi andlegrar heilsuverndar er vakn-
aður. Eftir er að mestu leyti að skipuleggja starfsemina
til verndar henni og eflingar, og samstilla kraftana til
sameiginlegra átaka. Það verk mun krefjast langs tíma
°g mikillar fyrirhafnar. Andleg heilsuvernd er víðtæk
starfsemi, sem grípur inn á flest svið mannlegs lífs. Einka-
líf manna jafnt og félagslíf allt er vettvangur hennar.
Þótt skyldan til að rækja hana hvíli fyrst og fremst á
herðum læknanna, geta þeir einir aldrei annað henni.
Þeir verða að fá virka aðstoð annarra stétta þjóðfélagsins
°g þá fyrst og fremst prestanna. Prestar hafa sérstaklega
góða aðstöðu til þess starfs, bæði vegna menntunar sinnar
og hinna sérstöku tengsla, sem þeir standi í við sóknar-
börnin. Þó þarf menntun þeirra í framtíðinni að miðast