Kirkjuritið - 01.09.1949, Blaðsíða 60

218
KIRKJURITIÐ
dómkirkja og reistur biskupsbústaður, og sé þeim framkvæmd-
um lokið fyrir árið 1956.
Þetta frumvarp var sent kirkjumálaráðherra, en þó ekki
lagt fram á síðasta þingi.
Þar sem 9 aldir eru liðnar árið 1956 frá því að Skálholt
varð biskupssetur, ber brýna nauðsyn til að máli þessu verði
hraðað, svo framkvæmdum verði lokið fyrir hið merka afmæli.
Mun mál þetta verða sérstaklega rætt síðar á prestastefnunni,
og sé ég því ekki ástæðu til að fjölyrða um það hér.
Á fjárlögum yfirstandandi árs er veitt til bygginga nýrra
prestsseturshúsa 700 þúsund krónur, og er það allmiklu lægra
en fjárveitingin 1948. Til aðgerða á eldri prestssetrum eru veitt-
ar 250 þúsund krónur og til útihúsa á prestssetrum 200 þúsund.
Samtals eru allar f járveitingar til kirkjumála og prestssetra-
bygginga aðeins rúmar 4 miljónir króna eða tæplega 1^2%
af heildarútgjöldum ríkisins.
Mun það vera eins dæmi síðan íslendingar fengu fjárveit-
ingavaldið í síntar hendur, að svo lágri upphæð, hlutfallslega
við heildarútgjöldin, hafi verið varið í þarfir kirkjunnar. Og
þegar þess er gætt, hve þörfin er aðkallandi á verulegum
húsabótum, og þá ekki sízt útihúsum á prestssetrunum, þá er
vissulega ástæða til þess fyrir prestana hvern og einn að
vinna að því eftir föngum ásamt mér, bæði við Alþingi og
ríkisstjórn, að íramvegis verði veitt ríflegar fé til endurbóta
á prestssetrum landsins en verið hefir og til kirkjumálanna
yfirleitt.
Samkvæmt skýrslu söngmálastjóra þjóðkirkjunnar, Sigurð-
ar Birkis, hafa 9 kirkjukórar verið stofnaðir á árinu, og munu
þá kirkjukórarnir á landinu alls vera orðnir 133.
Þrjú kirkjukórasambönd voru stofnuð á sýnódusárinu:
Kirkjukórasamband Dalaprófastsdæmis, Kirkjukórasamband
Vestur-Skaftafellsprófastsdæmis, og Kirkjukórasamband Gull-
bringusýslu.
Mjög margir kirkjukórar, eða 37 alls, tóku á árinu þátt í
söngmótum eða héldu sjálfstæða hljómleika og flestir við ágæta
aðsókn og undirtektir.
Söngskóli þjóðkirkjunnar starfaði í vetur í Reykjavík frá
1. nóvember til 1. maí. Kennslu í skólanum nutu 33 nemendur.
Var þar einkum kennt orgelspil, söngur og söngstjóm. Skóli