Prestafélagsritið - 01.01.1919, Síða 88

84
Ásmundur Guðmundsson:
dýrðlegt hlulskifti hann hefir fyrirhugað oss. Hverjar af-
leiðingar yrðu af því i mannfélaginu á öllum sviðum, að
allir menn breyttu eftir þeim, það vitum vér ekki. Það
mundi valda algerum byltingum, þar sem ótal mörgu yrði
varpað um koll, sem nú þykir ómissandi og sjálfsagt. En
þá rættust vonir Jesú, þá yrði fullkomið guðsríki á jörð-
unni, þá yrði guðs vilji svo á jörðu sem á himnum.
Hvenær það verður vitum vér heldur ekki. Það má
búast við, að vér sjálf og þúsundir nýrra kynslóða hafi
hallað höfði að moldu áður en því verður náð. En svo
mikið er þó víst, að nú þegar getum vér séð, hvern-
ig guðs vilji birtist á alveg eins fullkominn hátt og hann
verður á himnum. Og svo sannarlega sem vér viljum lifa
eftir honum, þá munu augu vor altaf opnast meir og meir,
svo að vér komumst betur og betur að raun um, að kenn-
ing Jesú er öll runnin frá guði og að hann einn er veg-
urinn, sannleikurinn og lífið.