Eimreiðin - 01.07.1924, Blaðsíða 40
232
ÞÁTTUR AF AGLI Á BERGl
EIMREIDIN
Fyrir henni stóð afbrot hennar jafn skelfilegt og þögnin,
sem skilið hafði hana og Egil árum saman — jafn ógurleg*
og gröfin, sem blasti nú við framundan.
En vinstra munnvik líksins hafði sigið máttlaust niður — og
var sem vottaði þar fyrir köldu og nöpru brosi.
Brezka heimssýningin.
í vesturjaðri Lúndúnaborgar er útborg ein, Wembley að
nafni, áður óþekt, nú á hvers manns vörum. Landslagið utan
við hana er svipað því, sem víða er á Suður-Englandi, grösug
tún, skógar og smáhæðar og var sá staður kallaður Wembley
Park. Þar hafa þrjú síðustu árin unnið þúsundir verkamanna,
smiða og listamanna og er nú risin þar upp sjálfstæð undra-
borg, með margvíslegum risavöxnum og einkennilegum höllum
og turnum, að hætti allra þjóða brezka heimsveldisins, en þó
í listfengu samræmi. Á milli sjást vegir, tilbúin vötn, tré og
blómgarðar. Þessi borg er hið mesta furðuverk nútímans, enda
er gerð fyrir sýningu heimsveldisins brezka, sem hófst þar i
lok aprílmánaðar sl. og á að standa fram í október í haust.
Að heimsstyrjöldinni lokinni var ákveðið, að sýning þessi
skyldi haldin árið 1924, til þess að tengja fastar saman í at-
vinnulegu og menningarlegu tilliti hið mikla heimsveldi Breta.
Brezka alríkið, nýlendurnar, borga og sveitafélög og stærstu
einkafyrirtækin lögðu fram nauðsynlegt fé. Talið er, að alls
hafi kostnaðurinn numið 25 miljónum sterlingspunda eða um
800 miljónum króna, en verðmætin sjálf, sem þar eru sýnd,
eru ómetanleg. Ekki er enn ákveðið, hvað gert verði við
Wembley — því að svo er sýningin ein kölluð venjulega
eins og fyr allur borgarhluti — að lokinni sýningunni, en al-
menningseign verður hún áfram.
í Wembley sjást öll ríki Bretaveldis og þeirra dýrð, tri
austri til vesturs og póli til póls, gersemar hinna sjö megin-
hafa og fimm heimsálfna, frá öllum mannflokkum, hvítum og