Hlín - 01.01.1933, Síða 128

126
mín
á ýmsan veg. Til fata svo sem í rennilásstakka, húfur, vetlinga
o. fl., einnig í koddaver (innraver). Ennfremur hefur það verið
notað til bókbands og virðist gefast þar ágætlega.
Er þó enn ótalið það, sem þau munu langhentugust til og
það er í fóður undir yfirhafnir til vetrarferða. — Væri nauð-
synjamál að við íslendingar tækjum þann sið upp að fóðra
vetrarföt okkar ■— þau hin ystu — með álúnssútuðum sauð-
skinnum. Þau eru nú ekki einungis hið ódýrasta efni, sem völ
er á til þeirra hluta heldur líka hið lientugasta,. Jeg hef minna
reynt við að súta skinn með hárinu á, þó svo að jeg veit að
það er engum vandkvæðum bundið öðrum en þeim, að það er
bæði meiri fyrirhöfn og dýrara.*)
Mjer virðist það Ijóst, að notkun skinna verður aldrei aimenn
hjer á landi til heimilisnota fyr en sæmileg verkun á þeim er
orðin heimilisiðnaður. —
Af Noröurlandi er sbrifað: — Jeg hef komið upp nokkru af
Salonsábreiðum undanfarandi ár og selt þær við lágu verði.
Jeg hef ekki notað aðra ull í þær en vorullartog og haustullar-
þel. í þráðinn og einskeftugrunninn hef jeg aðeins notað tog,
en það hef jeg spunnið á rokk, því það verður sneggra og á-
ferðarfallegra að »spinna það við fingur sinn«. — En haust-
ullarþel hef jeg notað í munsturbandið.
Þráðinn og munsturbandið hef jeg haft tvinnað og fullkom-
in hespa hefur verið 14—16 lóð (eða x/a kg.) að þyngd. En í
grunninn hef jeg haft einfalt ívaf og hefur hespan af því
verið 8 lóð á þyngd (Ve. kg.). — Mjer virðist jeg þurfa minni
lit á tog og haustull en aðra ull, sjerstaklega á togið. —
Með haustullina hef jeg ha.ft það þannig, að jeg hef tekið
ofan af gærunum strax nýjum, og til þess að fá sem best þel,
hef jeg oft aðeins tekið ofan af frampartinum, og svo er ullin
aðskilin um leið og gæran er rökuð. Mjer þykir þessi aðferð
fljótlegri og betri en að taka ofan af ullinni eftir að búið er
að raka gæruna. I. B.
*) Sútuð, íslensk skinn með hárinu á, en klipt, eru ágæt í fóð-
ur. Þau má jafnvel líka nota til utanyfirfata. Gullfalleg
kvenkápa (pels) úr gráum, kliptum, ólituðum skinnum var
fyrir nokkru búin til í Reykjavík. Gefur hún ekki eftir
útlendum kápum, hvorki að endingu nje fegurð, en hefur
þann kost fram yfir þær, að hún er mjög ljett. Rit.atj.