Dvöl - 01.03.1937, Side 44

106
D V Ö L
urreiti íslenzks þjóðlífs: mennt-
andi, friðsæl og göfug heimili.
Ég kynntist Knarrarnesshjón-
unum ekki fyrri, en þau voru
komin á efri ár, en ætíð síðan,
þegar ég minnist þeirra, detta
mér í hug hin alkunnu vísuorð
Steingríms: „Fögur sál er ávallt
ung undir silfurhærum“.
Um leið og Dvöl flytur nokk-
ur minningarorð um þessi hjón,
eftir tvo þjóðkunna, gamla ná-
granna þeirra af Mýrunum, sem
eru kunnugir þeim frá barnæsku
sinni, óskar hún að þjóðin eignist
sem flesta líka þessara hjóna —
og að hún kunni að meta þá og
varðveita minningu þeirra að
verðleikum.
V. G.
II.
„Skallagrímur kom þar að
landi, er nes mikið gekk í sæ út,
og eið mjótt fyrir ofan nesið, og
þáru þar farm af. Það kölluðu
þeir Knarrarnes. Síðan kannaði
Skallagrímur landið, og var þar
mýrlendi mikið og skógar víðir,
langt í milli fjalls og fjöru, sel-
veiðar gnógar og fiskfang mik-
ið“. Svo segir í Egils sögu Skalla-
. grímssonar.
Lýsingin er skýr og sönn.
Knarrarnes hefir breytzt furðu
lítið frá því Skallagrímur setti
þar bú og þar til Ásgeir og Ragn-
heiður bjuggu þar. Þar blasa við
hvítir sandar, svört sker og
grænar eyjar. Selur kemur úr
kafi og horfir undrandi á upp-
heiminn eins og hann hafi aldrei
séð hann fyr. Æðarkollan morrar
móðurlega á lognöldunum með
ungahópinn í eftirdragi, en hátt
í lofti hlakkar svartbakurinn í
ránshug. Hið mjúka sævarhljóð,
kvak fuglanng og ilmur eyja-
töðunnar rennur saman í eina
stemningu. Það er fallegt í
Knarrarnesi um stórstraumsflóð
i glampandi sólskini.
Fyrir mörgum er Knarrarnes,
Ragnheiður og Ásgeir óaðskilj-
anlegt. Knarrarnes er afskekkt
og ferðir þangað erfiðar, en lá
þó í þjóðbraut meðan þau bjuggu
þar. Ragnheiður í Knarrarnesi.
Nafnið hljómar nú líkt eins og
titill. Það minnir á fríða og fyr-
irmannlega konu, fastlynda, trú-
rækna og ágæta húsmóður. Ás-
geir í Knarrarnesi er einnig nafn,
sem hefir fengið sína merk-
ingu. Fríður sýnum, gæflynd-
ur, hygginn og sannfróður.
Smiður góður á tré og járn,
mikill veiðimaður og sjómaður
með afbrigðum. Maður, sem leik-
ur af jafnmikilli list með ár og
orf. hamav og háf, byssu og skut-
u 1. — Það er mikil merking. sem
safnazt hefir í þessi tvö nöfn á
rúmum áttatíu árum og við
fimmtíu ára sambúð.
Knarrarnesheimilið var eitt af
þessum stóru óðalsheimilum, sem
skapað hafa og borið upni ís-
lenzka menningu frá landnáms-
tíð og fram á þessa öld, Þar leið