Búnaðarrit - 01.01.1947, Side 28

22
BÚNAÐARRIT
Um árangur þeirrar kennslu tel ég eðlilegast að
birta hér erindi frá skólanefnd smíðaskólans í Hólmi,
dagsetl 4. nóv. í haust og hljóðar það þannig:
„Við undirritaðir nefndarmenn smíðaskólans í
Hólmi, leyfum okkur hér með að fara fram á það,
að skólinn fái einhvers staðar frá styrk til rekstrar
lians á þessu skólaári.
Svo sem kunnugt er, starfaði skólinn frá nýári 1946
til júníloka sama ár, og voru 5 nemendur. Aðallega
var kennd smíði á húsmunum og önnur almenn smíði,
en að lokum unnu nemendurnir að byggingu stein-
húss. Þá var og kennd teikning, íslenzka og reikning-
ur. Smíðamunirnir voru sýndir almenningi að lokinni
kennslu, og lengu munirnir góða dóma.
Skólastjórinn kenndi smíðarnar og teikningu, en
síra Gísli Brynjólfsson var fenginn til að kenna ís-
lenzkuna og reikninginn, sem áreiðanlega bar góðan
árangur, og var þó ekki hægt að byrja kennslu fyrr
en fram á skólatímann var komið.
Nú í vetur er ætlunin að hafa sams konar kennslu,
aukna eftir því, sem möguleikar leyfa. — Nú eru þeg-
ar komnir 6 nemendur, og er einn þeirra framhalds-
nemandi frá fyrra ári. Annars er hugmynd þessar-
ar smíðakennslustofnunar, enn sem komið er, að,
veita piltum leiðbeiningar og æfingu í ýmiss konar
smíði, sem þeim mætti að gagni verða á sveitaheim-
ilum — gera þá sem maður segir sjálfbjarga i þvi
efni — þó að ætlunin sé einnig, að framhaldsnám
verði og fyrir einhverja, er vilja.
Til þess að unnt sé að reka smíðakennslu þessa og
fullkomna hana, þá teljum við nauðsynlegt, að stofn-
unin fái styrk til rekstrarins, og viljum við benda á,
að beiðst sé ríkisstyrks, sem þyrfti að vera á þessu
skólaári kr. 20000.00 — og höfum við liaft um það
samráð við forstjóra stofnunarinnar, Valdimar Run-
ólfsson. Mun sú upphæð sizt of há, og þá sérstaklega