Morgunn - 01.12.1937, Blaðsíða 70

196
MORGUNN
Móðirin, sem gaf lokkinn.
í síðasta kapítula bókar þeirrar eftir Dr. Bowers, sem
síra Kristinn Daníelsson gerir að umtalsefni í erindi því,
sem prentað er í þessu hefti „Morguns“, segir höfundur-
inn eftirfarandi sögu:
Móðir hans hafði dáið níu árum áður en þetta gerðist.
En áður en langt leið lærði hún að gjöra vart við sig,
koma með kærleiks og kveðju skeyti af munni miðla, sem
voru gæddir dulheyrnar og skygnigáfu.
Fáum árum síðar fór hún að líkamast og tala í lúðra
á fundum hjá miðlinum Frank Decker; henni fór stöð-
ugt fram í styrkleik og sálrænum mætti. Að lokum hætti
hún alveg við lúðurinn og talaði án nokkurs áhalds.
Síðasta vetur birtist hún líkömuð að fullu. Dr. Bowers
spurði þá Bert Wells, aðalstjórnanda Deckers, hvort
ekki mundi vera unt að koma því svo fyrir, að hann fengi
að klippa hárlokk úr höfði móður sinnar.
Bert lofaði því, að einhvern tíma, þegar skilyrðin væru
hentug, skyldi honum verða leyft þetta. Hann lagði það
ennfremur til, segir höfundurinn, að hvenær, sem ég
kæmi á fund þar á eftir, skyldi ég hafa með mér lítil
skæri, því að hann gæti ekki sagt til fyrirfram, hvenær
unt væri að leggja til réttu skilyrðin.
Ég þarf ekki að taka það fram, að eftir þessa bend-
ingu hafði ég lítil skæri í vasanum í hvert skipti, sem ég
kom á fund hjá Decker.
Eitt kvöld ætlaði miðillinn frú Ethel Post að halda
fund í fundarsal Deckers. Ég bjóst eðlilega við því, að
stjórnendur Deckers mundu láta stjórnendur frúarinnar
eina um hituna, svo að ég hirti ekki um að taka með mér
skærin, segir höfundurinn. En þegar ég kom í fundar-
salinn, kom það upp úr kafinu að frú Post hafði fengið