Morgunn - 01.12.1937, Side 97
MORGUNN
223
Sögulegir
drœttir.
að rita um þetta efni til leiðbeiningar þeim, er vilja
vita hið sanna um þetta, því að jafnan mun það vera,
að atburðir eins og þessi afbakast í sögusögnum og
meðförum manna á meðal. Er þegar farið að bera á
missögnum um þetta mál, sumpart sprottnum af löng-
un til að gera málið hlægilegt, sumpart af kæruleysi
fyrir því að segja sannleikann, að því er helzt verður
séð af þeirri ástæðu, að óvild til ákveðins málefnis,
spiritismans, hefir borið sannleiksástina ofurliði.
Fáir munu þeir íslendingar vera, þeir er
annars hafa heyrt Miklabæjar getið, er
ekki kannist við Sólveigu frá Miklabæ.
Styður ýmislegt að því, svo sem þjóðsagnir, en þó lík-
lega fyrst og fremst hið rameflda draugakvæði Einars
Benediktssonar: Hvarf séra Odds á Miklabæ — þessi
tryllda leiksýn, þar sem draugurinn Sólveig leikur aðal-
hlutverkið. Hinsvegar er mönnum máske ekki eins ljóst,
hver sannleiki stendur á bak við allan þann mikla
skáldskap, og skulu viðburðirnir sjálfir því raktir hér
í stórum dráttum. Um sögulegu drættina hefi eg að
nokkru notið aðstoðar Stefáns Jónssonar bónda á Hösk-
uldsstöðum, sem er mjög fróður um sögu og ættir þessa
byggðarlags, svo og feðganna hr. Péturs Zophoníasson-
ar ættfræðings í Reykjavík, og Zophoníasar sonar hans.
Árið 1740 fæddist að Miðfelli í Hrunamannahreppi
(Árns.) sveinn, er Oddur var nefndur. Foreldrar hans
voru Gísli Magnússon skólameistari í Skálholti síðar
biskup á Hólum, og kona hans Ingibjörg Sigurðardóttir.
Oddur fór í Hólaskóla 1755 og útskrifaðist þaðan31.maí
1761. Hann er skrifaður í stúdentatölu við háskólann (í
Kaupm.höfn) 17. des 1762; tók embættispróf í guð-
fræði 15. maí 1765; fekk Miklabæ í Blönduhlíð 18. júlí
1767 og vígðist 1. nóv. s. á. Hann tók ekki við Miklabæ
fyrr en vorið eftir (1768).
Á Milclabæ bjó séra Oddur ókvæntur níu fyrstu
prestskaparárin og hafði hann á þeim árum ráðskonu,