Morgunn - 01.12.1956, Qupperneq 39

MORGUNN
117
ingu. Meðan ég var að hripa samtalið á blað, sagði ég lágt
þessa grísku setningu: Gnóþi seauton. Óðara kom þýðing-
in af vörum miðilsins: Þekktu sjálfan þig.
Af vörum frú Helen Leeds, miðils í Boston, hefir marg-
sinnis verið töluð kínverska. Þessi kona hefir einnig sára-
litla menntun hlotið og hefir aldrei heyrt kínverskt orð
talað. Þetta gerðist svo oft á fyrri hluta miðilsævi hennar,
að fólk hefir þúsundum saman orðið vottar að þessu fyrir-
brigði hjá frú Helen Leeds. Sjálfur hefi ég orðið vottur
að þessu hjá henni svo oft að hundruðum skiptir“.
(Frásögn Edmonds sjálfs er tekin úr Ps. News. J. A.)
1 100 ára sögu sálarrannsóknanna eru þess fjölmörg
ágætlega vottfest dæmi, að annarlegar tungur eru talaðar
af vörum miðlanna. Stundum, og einkum á frumstigi mið-
ilsgáfunnar eins og á samkomum hvítasunnumanna, er
um hreint „tungutal" að ræða, eins og þekktist áður fyrr
í söfnuðum Páls postula, þannig, að óskiljanlegur orða-
flaumur rennur fram af vörum fólks, óskiljanlegur öll-
um viðstöddum, og sennilega ekkert tungumál. Hjá þrosk-
uðum og æfðum miðlum hafa aftur á móti tungumál verið
töluð, sem miðillinn kunni ekkert í, en voru fullkomlega
rétt töluð.
Hjá miðlum þeim, sem nú eru uppi, mun þetta fremur
sjaldgæft, þótt fyrir komi. Því miður verður að segjast,
að nú á tímum virðast ekki koma fram sterkustu miðla-
fyrirbrigðin, eins og á fyrri tímum spíritismans. Á fyrstu
árum spíritismans kemur t. d. fram maður eins og miðill-
inn mikli, Daniel Douglas Home, og hjá honum gerast svo
sterk fyrirbrigði, að síðan hafa engin hliðstæð fyrirbæri
farið fram úr þeim, og meira að segja engin svo að vitað
sé, verið eins tvímælalaus og sterk og sumt það, er í návist
hans gerðist. Hvernig á þessu stendur, vitum vér ekki, en
vafalaust hamlar það frekari þróun sálarrannsóknanna og
heftir útbreiðslu spíritismans, því að máttugust reynast
til útbreiðslu fyrirbrigði sem með samtíðinni gerast.
Þó standa þessi fyrirbrigði 19. aldarinnar vitanlega í