Morgunn - 01.12.1956, Síða 50

128
MORGUNN
þér gaman og þú vilt líka gera allt fyrir gömlu konuna,
sem þú mátt og getur.
Nú er langt síðan þú varðst stór og nú átt þú ekki heima
í litla bænum. Nú áttu heima við sjóinn, í litla þorpinu
við fallegu víkina“.
Fram að þessu tók ég ekki fram í fyrir miðlinum, né
spurði nokkurs. En mér var forvitni á, hvort miðillinn
gæti sagt mér nafnið á gamla heimilinu mínu. Ég bað
hann þess. Miðillinn sagði,. að búið væri að segja sér
nafnið, en það væri svo afkáralegt, að það hlyti að vera
vitleysa. Ég bað hann samt að segja mér það, og sagði
hann þá: „Fótaskinn, en þetta er svo hlægilega vitlaust,
að það getur ekki verið rétt“. Fleira kom ekki til mín.
Sannleikurinn er sá, að allt, sem miðillinn sagði og
skráð er hér að framan, er hárrétt. Bæirnir, sem um get-
ur, eru Múli, Norðurhlíð, Grímshús og Helluland, sem
áður hét Fótaskinn, og eru bæirnir í Aðaldal í S.-Þingeyj-
arsýslu. Þegar ég var sex ára, var enn kirkja í Múla.
Fjöllin, sem minnzt var á, eru Lambafjöllin, áin er Laxá,
sem er steinsnar fyrir norðan bæina. Lýsingin á baðstof-
unni og öllu þar, er einnig nákvæmlega rétt. Litla þorpið,
þar sem ég átti heima, þegar ég sat þennan miðilsfund,
er Húsavík.
E. t. v. eiga svona þættir af miðilsfundum ekkert erindi
til almennings, og þó. — Sumum finnst þetta eða hitt
sönnun, sem öðrum þykir einskisvert. Ég legg engan dóm
á sönnunargildi þáttarins, hér að framan. Það gerir hver
fyrir sig, sem þetta les. Ég fullyrði aðeins, með beztu sam-
vizku, að það, sem eftir miðlinum er haft hér að framan,
er rétt í öllum atriðum og rétt upp skrifað af mér.
Fundinn sat ég undir stjórn Einars H. Kvarans og konu
hans haustið 1981, er ég var á ferð í Rvík. Miðillinn var
frú Guðrún Guðmundsdóttir.