Morgunn - 01.06.1967, Page 62

56
MORGUNN
Hestahvarfið.
Vor eitt voru Fljótsdælingar á heimleið úr kaupstað, áðu
að Vallanesi og sváfu þar um stund. Þeir höfðu marga hesta
undir áburði. Um morguninn fundust ekki hestarnir, hvern-
ig sem leitað var. Héldu ferðamennirnir að lokum heimleiðis
slyppir og snauðir og töldu víst, að klárarnir væru komnir
heim á undan þeim. Þegar þeir komu að Hafursá, hittu þeir
Hinrik skyggna og spurðu hann um hestana. Hann svarar
eftir litla stund: „Þið hafið leitað langt yfir skammt, því
hestarnir liggja í djúpri dæld niður við Lagarfljót í norður
frá Vallanesi." Sneru þeir þegar við og fundu hestana, þar
sem Hinrik hafði til vísað.
Vísað á tapaðar kindur.
Sigmundur Rustikusson var um tíma vinnumaður á Haf-
ursá hjá Hinriki. Hann segir svo frá:
Einu sinni var vant nokkurra lamba á Hafursá og fund-
ust ekki, þótt leitað væri. Smalamaður fór þá til Hinriks og
spurði hann um lömbin: „Þau eru í djúpum botni þarna uppi
hjá Kistuklettunum.“ Þangað fór smalinn og fann þegar
lömbin. Engin leið var að sjá þau þar með eðlilegum hætti
frá Hafursá.
öðru sinni töpuðust frá Hafursá nokkur hagalömb um
haust. Nokkru seinna er það um morgun, að Hinrik kem-
ur inn og segir:
„Nú sé ég lömbin mín. Þau standa núna í brekku austan í
miðheiðarhálsinum norður frá Arnheiðarstöðum.“ En þeir
eru handan við Lagarfljót. Þangað fór Sigmundur og fann
lömbin.
Annað haust sluppu kindur frá Hafursá og var lengi leit-
að. Loks spyr Sigmundur Hinrik, hvort hann sé nú alveg
að baki dottinn að sjá fé í fjarlægð. Hinrik þegar alllengi, en
segir siðan: „Nei! Nú sé ég þær, nú sé ég þær. Þær eru aust-
ur í Víðigróf, og þar er líka margt fé annað.“ Víðigróf er
inn af Skriðdal, og má kalla þangað óraveg frá Hafursá.