Uppeldi og menntun - 01.01.2011, Side 129

Uppeldi og menntUn/icelandic JoUrnal of edUcation 20 (1) 2011 129
KriStÍn ValSdÓttir
af þeim lögum sem þekkt eru sem „leikskólalögin“, en það eru þau lög sem í gegnum
árin hafa ratað inn í leikskólana (kannski í gegnum kennslu Sigríðar) og eru nú loksins
komin á prent. Elfa Lilja notar hins vegar sönglög eftir íslensk tónskáld ásamt lögum
mjög víða að úr heiminum. Margt af þessu er nýleg lög sem höfundur hefur viðað að
sér, staðfært og þýtt texta við og er því frábær viðbót við það sem fyrir er. Það má því
nota báðar bækurnar samhliða án þess að hætta sé á endurtekningum.
Í formála bókar sinnar segist Elfa Lilja hafa lagt í leiðangur við gerð hennar og
einn lærdómur þess leiðangurs hafi verið að gera sér ljóst mikilvægi þess „að bera
virðingu fyrir börnum og öllu sem fyrir þau er á borð borið“ (bls. 6). Eftir lestur og
hlustun á námsefninu fer ekki á milli mála að báðir höfundar bera djúpa virðingu fyrir
börnum og viðfangsefninu tónlist. Þeim hefur báðum tekist að miðla þekkingu sinni
og reynslu á frábæran hátt sem á eftir að nýtast vel börnum og þeim sem með þeim
starfa. Fyrir hönd þeirra sem telja skapandi vinnu og tónlist einn af hornsteinum góðs
uppeldis ber að þakka þeirra góða framlag.
Um höfUnd
Kristín Valsdóttir (kristin@lhi.is) stundaði nám í tónlistar- og hreyfikennslu við Hoch-
schule für Muzik und darstellende Kunst, Mozarteum: Orff-Institut, eftir braut-
skráningu frá Kennaraháskóla Íslands 1985. Hún lauk M.Ed.-gráðu í menntunarfræði
haustið 2006 og er nú í doktorsnámi við Menntavísindasvið Háskóla Íslands. Kristín
hefur kennt tónmennt við grunnskóla og var stundakennari við Tónlistarskólann í
Reykjavík og Leiklistarskólann, síðar leiklistardeild Listaháskóla Íslands, 1985–2005.
Hún var aðjunkt við Menntavísindasvið Háskóla Íslands en hefur gegnt stöðu deildar-
forseta listkennsludeildar Listaháskóla Íslands frá 1. ágúst 2009.