Uppeldi og menntun - 01.01.2011, Side 143

Uppeldi og menntUn/icelandic JoUrnal of edUcation 20 (1) 2011 143
JÓN INGvAR kJARAN
MENNTAvÍSINDASvIÐI HáSkÓLA ÍSLANDS oG
vERzLUNARSkÓLA ÍSLANDS
HALLDÓRA ÓSk HALLGRÍMSDÓTTIR
vERzLUNARSkÓLA ÍSLANDS
Kynungabók – varða á vegi
jafnréttisfræðslu í skólum landsins
Berglind Rós Magnúsdóttir, Guðrún M. Guðmundsdóttir, Jóna Pálsdóttir, Kristín
Ástgeirsdóttir og Kristín Jónsdóttir. (2010). Kynungabók. Upplýsingar fyrir ungt fólk
um jafnrétti kynja. Reykjavík: Mennta- og menningarmálaráðuneytið. 45 bls.
Ritið Kynungabók er gefið út af mennta- og menningarmálaráðuneytinu og með útgáfu
þess er verið að bæta úr þeim skorti sem verið hefur á námsefni um jafnréttismál
í skólum landsins. Þar með er komið til móts við ákvæði jafnréttislaga um að jafn-
réttisfræðslu skuli vera sinnt í skólum landsins. Raunin er ekki sú í dag og okkur
vitanlega sinna einungis fjórir framhaldsskólar þessum málaflokki með sérstökum
áföngum. Um stöðu mála í grunnskólum höfum við enga vitneskju en teljum að þessi
málaflokkur renni þar saman við nám í lífsleikni. Hugsanlega mun aðgengilegt náms-
efni á borð við Kynungabók breyta þessu eitthvað á næstunni.
Markmið Kynungabókar eru sett fram í inngangskaflanum. Áherslan er þar á kynja-
vinkilinn enda er það tilgangur bókarinnar, eins og minnst er á hér að ofan, að koma til
móts við ákvæði jafnréttislaga. Hér hefði þó mátt ræða stuttlega jafnréttishugtakið í víðu
samhengi og tengja það við aðra málaflokka jafnréttismála á borð við ólíka kynhneigð/
kynverund og málefni einstaklinga af erlendum uppruna. Hvort tveggja er hægt að
tengja við kynjaumræðuna, sbr. tengsl kyngervis og kynverundar/kynhneigðar eða þá
stöðu kvenna af erlendum uppruna. Þess má jafnframt geta að hinseginfræðin spruttu
út frá kynjafræðunum og hafa þau tekið undir gagnrýni femínista á feðraveldið og
ríkjandi hugmyndir samfélagsins um karlmennsku eða kvenleika. Að okkar mati hefði
því verið hentugt í inngangskaflanum að reifa þessi tengsl og þá þróun sem verið hefur
innan þessara fræða að undanförnu.
Kynungabók brýtur þar með ísinn í umræðunni um jafnréttismál innan skólanna
og hefur þannig fordæmisgildi. Vonandi verða rit af svipuðu tagi um önnur málefni
tengd jafnréttismálum gefin út á næstunni með styrk frá mennta- og menningar mála-
ráðuneytinu. Hér mætti benda á námsefni sem tengist annars vegar fjölbreytileika
kynhneigðar og hins vegar fjölmenningu.
Uppeldi og menntun
20. árgangur 1. hefti 2011