Uppeldi og menntun - 01.01.2011, Page 146

Uppeldi og menntUn/icelandic JoUrnal of edUcation 20 (1) 2011146
KynUngaBÓK
Annars vegar stofnun Samtakanna 78 og hins vegar að Jóhanna Sigurðardóttir telst
vera fyrsti opinberlega samkynhneigði forsætisráðherra í hinum vestræna heimi. Að
okkar mati er þetta jafnmikilvægt og það að hún sé fyrsta konan á Íslandi sem gegnir
þessu embætti enda má segja að hvort tveggja gefi vísbendingar um það að feðra-
veldið á Íslandi sé farið að láta undan síga.
Að lokum: Kynungabók er gott framtak og vel unnin að flestu leyti þó svo að smá-
hnökrar séu á henni, sem auðvelt verður að bæta úr í síðari útgáfum. Hér er í það
minnsta komið námsefni í kynjafræðum fyrir tvö skólastig sem getur orðið fordæmi
frekari útgáfu námsbóka sem taka á jafnréttishugtakinu í sem víðustum skilningi. Við
óskum bókarhöfundum til hamingju með gott framtak og vonum að sem flestir skólar
taki námsefnið til kennslu.
Um höfUnda
Jón Ingvar Kjaran (jik1@hi.is) er kennari við Verzlunarskóla Íslands. Hann hefur BA-
próf í sögu og þýsku og MA-próf í mannauðsstjórnun frá Háskóla Íslands og próf í
kennslufræði til kennsluréttinda frá Kennaraháskóla Íslands. Hann stundar nú doktors-
nám í hinsegin menntunarfræðum við Háskóla Íslands og er meginviðfangsefni hans
reynsla hinsegin nemenda af framhaldsskólanum.
Halldóra Ósk Hallgrímsdóttir (halldora@verslo.is) er kennari við Verzlunarskóla Íslands.
Hún hefur BA-próf í sögu og íslensku og kennslufræði til kennsluréttinda frá Háskóla
Íslands. Hún stundar nám í kynjafræðum við Háskóla Íslands. Rannsóknaráhugi
hennar beinist að kyngervi og menntun.