Andvari - 01.06.2011, Page 59

andvari
JAKOB BENEDIKTSSON
57
voru boðaðir til fundar og meðal þeirra sem mættu var Jakob. Á fund-
inum var skipað í nýja stjórn og varð Jakob einn stjórnarmanna meðan
heilsan leyfði.86
Jakobi þótti það alla tíð leitt að hafa ekki lært að spila vel á hljóðfæri.
Hann gat þó spilað ágætlega á píanó og lék oft undir þegar sungið var í
góðra vina hópi. Hann átti sér eftirlætis sönglag sem hann söng oft með
vinum. Það var Salve, mi bone fons við kvæði eftir Benedikt Gröndal.87
Formadur íslenskrar málnefndar
Eitt af mörgum störfum sem Jakob tók að sér var formennska í íslenskri
málnefnd.88 Hann tók sæti Halldórs Halldórssonar prófessors þegar sá
síðarnefndi hvarf úr nefndinni 1966. Á fyrsta fundi nýrrar nefndar var
Jakob kjörinn formaður og gegndi hann því starfi í 12 ár eða þar til
hann hætti vegna aldurs í árslok 1977. Nefndin var þá þriggja manna
og störfuðu með Jakobi þeir Bjarni Vilhjálmsson þjóðskjalavörður og
Þórhallur Vilmundarson prófessor. Hafði Jakob aldrei ætlað sér að sitja
lengi í nefndinni og tók eiginlega sæti í henni vegna eindreginna óska
annarra. Eins og hans var vani lagði hann sig fram um að vinna verkið
vel.
Starfsemin fólst á þeim árum aðallega í ráðgjöf. Hún var einkum
tvenns konar, annars vegar yfirlestur á orðaskrám sérfræðinga í ýmsum
greinum og hins vegar svör við fyrirspurnum um málfarsleg efni. Oftast
lenti á Jakobi að svara almennum fyrirspurnum í síma hvort heldur var
um rétt mál eða rangt eða nýmyndanir orða. Af langri reynslu veit ég
að slík þjónusta getur verið afar tímafrek og lýjandi.
Jakob tók árlega saman skýrslu á dönsku um starf Islenskrar mál-
nefndar. Sú fyrsta var skrifuð 1967. Frá 1970 til 1977 birtust skýrslur
Jakobs eins og annarra norrænna málnefndarmanna í Sprák i Norden. I
síðustu skýrslu sinni, sem birtist 1978, dró Jakob saman hið helsta sem
um ráðgjafarstarfið var að segja og er sýnilegt að það var allnokkuð.89
Þar gerði hann grein fyrir þeim meginreglum sem hann fór eftir við
ráðgjöfina. Hann benti á að hann hefði í raun haft þar tvö hlutverk,
annars vegar sem orðabókarritstjóri og hins vegar sem formaður mál-
nefndarinnar. Þær reglur sem hann setti sér voru fjórar og verða þær
birtar hér í þýðingu Baldurs Jónssonar: