Andvari - 01.06.2011, Side 146

144
SIF SIGMARSDÓTTIR
ANDVARI
Efnisskrá tónleika Anniear í París 1928. Þar er hún kynnt sem „íslenskur píanó-
leikari.“
höfðu gefið upp von um að lík stúlkunnar fyndist, kom það í leitirnar. Læknir
á staðnum sló föstu að dánarorsök væri drukknun.60
Hvernig dauða Lífar bar að myndi ásækja foreldrana báða til dauðadags.
Þrátt fyrir þrotlausa leit að svörum yrði þeim aldrei ljóst hvort það sem
gerðist að morgni 12. júlí 1947 í Hamburgsund hefði verið hörmulegt slys eða
einbeittur ásetningur, voveifleg afleiðing uppgjafar andans.
Líf var grafin í Fossvogskirkjugarði í Reykjavík. Annie gat hvergi hugsað
sér að búa nema nærri legstað dóttur sinnar. Annie og Snót fluttust því
búferlum til Islands.61
Enn á ný varð Annie að byrja upp á nýtt, byggja sér tilvist frá grunni.
Mörgum hefði verið slíkt ofviða eftir allt sem á undan var gengið. En Annie
lét ekki bugast. Uppgjöf var ekki í eðli hennar. í æviágripi Jóns Leifs 1916-
1937 sem Annie skráði má lesa á fyrstu blaðsíðu einkunnarorð: „Öll byrjun
er erfið; sá sem stefnir ótrauður að settu marki mun ná því.“
Eina haldreipi Anniear eftir dótturmissinn var markmið sem hún setti sér.
Hún seldi strengjahljóðfæri sem hún átti og skartgripi til að stofna minningar-
sjóð um Líf. Annie dreymdi um að sjóðurinn mætti verða svo stöndugur að
hann gæti staðið að byggingu kaþólsks klausturs á íslandi. Á brattann var að