Uppeldi og menntun - 01.07.2011, Page 156

Uppeldi og menntUn/icelandic JoUrnal of edUcation 20 (2) 2011156
fJölbreyttar leiðir í námsmati
verið um það í skólastarfi. Þó að í bókinni sé ekki djúp fræðileg umræða um námsmat
veitir hún samt innsýn í erlendar rannsóknir og kenningar og vísað er til fjölmargra
heimilda sem lesendur geta nýtt sér ef þeir hafa áhuga á að kafa dýpra í þau fræði.
Mikill kostur er að höfundur tilgreinir yfirleitt ensk heiti hugtaka sem notuð eru í
bókinni. Þetta er kostur, sérstaklega fyrir þá lesendur sem vanir eru að lesa um náms-
matsfræði á ensku en einnig þá sem vilja leita sér frekari upplýsinga um efnið. Oft
er erfitt að þýða slík hugtök og jafnvel geta þýðingar stundum valdið misskilningi.
Hér virðist hafa verið vel vandað til þýðinga og efnið ágætlega lagað að tungutaki
íslenskrar skólaumræðu. Bókin fellur einnig vel að viðmiðum nýrrar aðalnámskrár
um námsmat, en þar er lögð áhersla á að kennarar styðji nemendur til að átta sig á því
hvernig þeim miðar í námi sínu miðað við þau markmið sem þeim eru sett. Bókin er
uppfull af leiðum til að meta sem flesta námsþætti og fjölbreyttar hugmyndir er að
finna til að auka þátttöku nemenda í raunhæfu sjálfsmati. Tekið skal fram að þær leiðir
sem settar eru fram í bókinni eru einnig mjög vel fallnar til nauðsynlegs sjálfsmats
kennara á leið til aukins starfsþroska.
Það er mikill fengur í því að út komi á íslensku fræði- og handbækur um skóla-
mál sem skrifaðar eru af sérfræðingum með íslenskar aðstæður í huga. Slíkt efni er
almennum kennurum aðgengilegra en erlent og það ætti að auka skilning á hug-
tökum og bæta faglegan orðaforða jafnframt því að stuðla að faglegri umræðu um
efnið meðal skólafólks. Höfundur hefur langa starfsreynslu sem grunnskólakennari.
Viðmið sem sett eru fram í matsgögnum og dæmum í bókinni bera þess merki.
Ég get þó ekki sagt skilið við bókina án þess að nefna útlit og uppsetningu. Mín
fyrstu viðbrögð voru undrun. Útlit bókarinnar vekur upp spurningar um það hvort
bókaútgáfan hyggi á útgáfu einhvers konar ritraðar um kennslufræði og skólamál
og hafi því útlit, leturgerð og uppsetningu nákvæmlega eins og á vinsælum bókum
um kennslufræði sem Æskan gaf út fyrir mörgum árum. Með þessu útliti finnst mér
dálítið dregið úr sjálfstæði þessarar bókar.
Þegar á heildina er litið tel ég að hér sé komin út hagnýt bók með fræðilegu ívafi
þar sem skólafólk getur sótt sér fróðleik og verkfæri sem hægt er að aðlaga því aldurs-
stigi, námsgrein eða námsþætti sem unnið er með og við á hverju sinni. Ég hvet því
alla kennara til að nýta sér þá aðstoð sem bókin hefur að bjóða.