Þjóðhagsreikningar 1973-1980 - 01.06.1985, Page 12

-10-
1. Inngangur
Skýrsla sú, sem hér birtist og er númer 3 i' ritröð
Þjóðhagsstofnunar um þjóðhagsreikninga, er i' reynd beint
framhald skýrslu númer 1 i' sömu ritröð. Sú skýrsla náði
yfir ti'mabilið 1973-1978 og fjallaði um framleiðsluuppgjör
þessara ára á verðlagi hvers árs.
Þessi skýrsla nær hins vegar yfir tvö ár til viðbótar,
þ.e. 1979-1980. Að auki er nú i' fyrsta sinn birt hér fram-
leiðsluuppgjör á föstu verði fyrir allt ti'mabilið
1973-1980. Jafnframt er gerð alli'tarleg grein fyrir
heimildum og áætlunaraðferðum við fastaverðsútreikningin
eða staðvirðinguna eins og aðferðin er hér einnig nefnd.
Þá lýsingu er að finna i' 6. kafla hér á eftir.
Framleiðsluuppgjörið á verðlagi hvers árs nær nú yfir
ti'mabilið 1973-1980. Fyrstu sex ár þessa ti'mabils hafa nú
verið endurskoðuð frá þvi' sem var i' fyrri skýrslu og að-
ferðir samræmdar allt ti'mabilið. Endurskoðunina má fyrst
og fremst rekja til þess, að frá og með árinu 1980 urðu
launamiðar frá skattyfirvöldum tiltækir á tölvutæku formi
frá öllum skattumdæmum landsins. Þessi nýja heimild kom að
afar miklu gagni, en jafnframt var nú i' rfkari mæli en fyrr
byggt á launafjárhæðum eins og þær birtast i' tryggingaskrám
skattyfirvalda og Flagstofunnar. Tryggingaskrár þessar eru
meðal annars stofninn að álagningu slysatryggingaiðgjalds,
atvinnuleysistryggingagjalds o.fl.
Auk framangreindrar endurskoðunar uppgjörsins á verð-
lagi hvers árs var nú leitast við að áætla hinn óraunveru-
lega verðbólguhagnaði sem óhjákvæmilega kemur fram i' þeim
uppgjörsaðferðum, sem hér er byggt á. Þessi verðbólgu-
hagnaður er tengdur birgðamatinu. Að þessu var raunar
vikið i' fyrri skýrslu, en nú hafa vinnuaðferðir verið
mótaðar og niðurstöður birtar. Aðferðum er nánar lýst i'
grein 3.3 hér á eftir: Endurmat birgða.