Sagnir - 01.05.1982, Qupperneq 22

Kona við ullarþvott.
I
hreyfinga o.fl. Þær rannsóknarniðurstöður
sem litið hafa dagsins ljós innan þessara
greina hafa margar hverjar gefið mynd af
konum sem raunverulegu afli í sögunni,
dregið fram einkennin á stöðu og hlutverki
þeirra sem þátttakendur í sögulegri fram-
vindu.
Hvað er kvennasaga?
En hvernig á svo að skilgreina
kvennasögu. Það hljóta allir að sjá mikil-
vægi þess, að skýrt sé nákvæmlega hvað við
er átt með þessu hugtaki. En um leið er það
erfitt eins og komið hefur í ljós í þeim til-
raunum sem gerðar hafa verið á þessu sviði.
Einn af stærstu erfiðleikunum felast í þvi, að
auðveldlega er hægt að leggja fleiri en einn
skilning í hugtakið og það hefur líka verið
notað á mismunandi vegu eins og eftirfar-
andi dæmi sýna:
1) sögurannsóknir um konur sem einhvers-
konar tilvísun til ákveðins efnis og þeirr-
ar aðferðafræði og heimilda sem venja
er að nota á því sviði.
2) sögurannsóknir eftir konur sem ein-
hverskonar tilvísun til framlags þeirra á
sviði kvennasögu eða í öðrum sögurann-
sóknum. Þeir sem fást við kvennasögu
eru reyndar ekki eingöngu konur en
samt sem áður eru þær í miklum meiri-
hluta. ,,Kvennasögusagnfræðingur“ (ég
veit að þetta er afskaplega vont orð) get-
ur þannig bæði verið tilvísun til kven-
kyns sagnfræðinga og verka þeirra á öll-
um sviðum og þar fyrir utan getur þetta
orð verið skírskotun til sagnfræðinga af
báðum kynjum sem vilja leggja áherslu
á kvennasögu.
3) Sérstök tegund söguskoðunar sem full-
yrðir að í aðalatriðum sé öll saga kvenna
frábrugðin sögu karla.
Þessi vandamál sem koma upp samfara
skilgreiningu á kvennasögu eiga að miklu
leyti rætur að rekja til þeirra erfiðleika við
að tilgreina nákvæmlega hvaða atriði það sé
sem helst skal leggja áherslu á þegar aug-
unum er beint að konum. Einnig má spyrja
hver sé tilgangurinn með kvennasögu. í
Bandaríkjunum er mikill kraftur í
kvennasögurannsóknum. Þau verk sem þar
20