Ritið : tímarit Hugvísindastofnunar - 01.05.2006, Page 88
ULFHILDUR DAGSDOTTIR
valdi sínu - hvort sem er úr ná-
lægð eða fjarlægð. Hér má auð-
vitað einnig sjá ummerki tækni-
þróunar síðustu ára, en hún er öll
í áttina að smækkun, vélbúnaður
allur er alltaf að verða fínlegri og
minni og því er ekki úr vegi að
vélmennið dragi einnig úr um-
fangi sínu. Einnig mætti velta því
fyrir sér hvort þessar þrjár Ter-
minator-myndir gefi til kynna að
karlmennskutenging tækninnar,
sem Terminatorinn varð að tákn-
mynd fyrir á níunda áratugnum,
sé að veikjast.
I bráðskemmtilegri grein sinni
frá árinu 1995, „Recalling Totali-
ties: The Mirrored stages of
Arnold Schwarzenegger", gerir
Jonathan Goldberg úttekt á þess-
ari karlmennskuímynd Schwarzeneggers eins og hún birtist í krafti kvik-
mynda hans, með sérstöku tilliti til fyrstu tveggja Terminator-mynáznnA
og annarra mynda leikarans, sérstaklega Total Recall (1990). Goldberg
tengir umræðuna um kvikmyndirnar við hugmyndina um vöðvatröllið
sem sæborg; tilbúinn líkama sem byggir sig upp í vélum. Aherslan er á
að afbyggja þessa karlmennskuímynd, sem hann kennir við phallusar-
táknið og lítur svo á að stæltur líkami Schwarzeneggers sé táknmynd
hins ýkta phallusar, ofurtákns karhnennskunnar og karlmannsins, en
afbyggingin felst í því að Goldberg dregur á snarpan hátt fram allskonar
hinsegin undirtóna í kvikmyndum leikarans.22
Eitt af því sem skaðar hina phallísku táknmynd er að ýktur líkami
vöðvafjallsins gengur of langt, hann fer út fýrir hefðbundin kynjamörk
(vöðvafjöll eru bæði brjóstastór og svo verða kynfærin óneitanlega nokk-
uð samanskroppin að sjá þegar aðrir vöðvar þenjast úr). Reyndar hefur
orðasambandið „móðursjúk karlmennska“ verið vinsælt til að lýsa mestu
22 Jonathan Goldberg, „Recalling Totalities: The Mirrored stages of Arnold Schwar-
zenegger“, Tbe Cyborg Handbook, bls. 233-254.
86