Þjóðlíf - 01.07.1990, Qupperneq 18

INNLENT
LANDSMOTI
MOSFELLSBÆ
3000 keppendur og yfir 1000 starfsmenn á 20.
Landsmóti UMFÍ
Eitt fjölmennasta íþróttamót sem haldið
hefur verið á landinu verður sett fimmtu-
daginn 12. júlí á nýju íþróttasvæði í Mos-
fellssveit. Um 3000 keppendur munu
spreyta sig í 100 íþróttagreinum og
starfsmenn mótsins eru á annað þúsund.
Það er UMSK (Ungmennasamband
Kjalarnessþings) sem heldur Lands-
mót UMFÍ að þessu sinni. I sambandinu
eru öflug ungmennafélög, til dæmis
Breiðablik, Grótta, Afturelding, Stjarnan
og fimleikafélagið Gerpla.
Undirbúningur hefur staðið lengi og á
síðasta ári var ráðinn framkvæmdastjóri
og annar í mars síðastliðnum. Þeir Sæ-
mundur Runólfsson og Ómar Harðarson
skipta með sér framkvæmdastjórn móts-
ins.
Að sögn Sæmundar mætir rjóminn af
íslensku frjálsíþróttafólki til leiks og má
búast við harðri keppni í mörgum grein-
um. Heimsmeistarinn í spjótkasti, Svíinn
Patrick Boden, mun keppa sem gestur við
íslensku spjótkastarana. Keppnin í körfu-
boltanum ætti ekki að verða síður spenn-
andi, en fimm úrvalsdeildarlið eru meðal
þátttakenda.
Nýmæli á Landsmótinu eru meðal ann-
ars hestaíþróttir og fimleikar. Þá verður
sýningarleikur í ruðningsbolta, sem er ís-
lenska heitið á amerískum fótbolta. Tvö
lið í fullum skrúða munu freista þess að
kynna mótsgestum leikinn.
Á Landsmótum UMFÍ hefur löngum
verið keppt í óvenjulegum íþróttagrein-
um. Einu sinni var keppt í gróðursetn-
ingu, samanber einkunnarorðin „ræktun
lands og lýðs“, en jurtagreining kemur í
staðinn að þessu sinni. Keppni í pönnu-
kökubakstri og línubeitingu er aftur á
móti á sínum stað, að ekki sé talað um
dráttarvélaakstur.
Verndari mótsins er forseti Islands,
Vigdís Finnbogadóttir, og mun hún setja
Landsmótið fimmtudagsmorgun. Vernd-
ardýr mótsins er hinsvegar fuglinn Goggi
galvaski. Efnt var til samkeppni um nafn á
fuglinum og hlutskörpust varð tólf ára
stúlka úr Hrútafirði, Kristín Þorsteins-
dóttir.
Sæmundur telur að kostnaðurinn við
Landsmótið verði um 15 milljónir króna,
þó enginn geti sagt það með vissu. Til að fá
upp í kostnaðinn verður aðgangseyrir
fyrir fullorðna 1000 krónur dagurinn.
Hestaíþróttir eru í fyrsta sinn á dagskrá að
þessu sinni. Myndin var tekin á Landsmótinu
á Laugarvatni árið 1965.
Tvennum tjaldbúðum verður slegið
upp, einni fyrir keppendur og ann-
arri fyrir gesti. Lagt er upp úr því að að-
staða verði sem allra best, til dæmis salerni
í stað útikamra. Mótshaldarar vonast eftir
sem flestum gestum, þeir bjartsýnustu
tala um 20 til 30 þúsund en segja að veðrið
muni ráða mestu.
Sæmundur er ánægður með stuðning
Mosfellsbæjar sem stóð fyrir uppbygg-
ingu á myndarlegu íþróttasvæði fyrir mót-
ið. Álafoss lánar húsnæði undir tónleika
og dansleiki sem haldnir verða á hverju
kvöldi þá daga sem mótið stendur yfir, 12.
til 15 júlí. í þakklætisskyni ætla ung-
mennafélagar að gróðursetja í landi Ála-
foss og er það einnig þáttur í trjáræktar-
átaki ungmennafélaga.
Heiðursgestur 20. Landsmóts UMFÍ er
Hafsteinn Þorvaldsson, fyrrverandi for-
maður UMFÍ.
-pv
tftí7
ALASKA
BÍLAVÖRUR
í SÉRFLOKKI
Heildsöludreyfing:
PRbúöin hf. S: 641418
íþróttakonur á Landsmótinu á Þingvöllum árið 1957.
18 ÞJÓÐLÍF