Þjóðlíf - 01.07.1990, Side 63

En fyrst og fremst lék Lotte Lenya í
sýningum Brechts og Weills: hún var Sjó-
ræningja-Jenní í Túskildingsóperunni og
lék að auki titilhlutverk í söngleikjunum
„Ris og fall borgarinnar Mahagóní“ og
„Happy End“.
amband þeirra Weills var alltaf flókið,
þau voru stöðugt að skilja og taka
saman aftur, hún gat að sögn kunnugra
verið „ljúf og góð“ eina stundina en brjál-
uð þá næstu. Hún átti sér ævinlega elsk-
huga og jafnframt ástkonur. Þegar Hitler
komst til valda dró hún ungan tenór-
söngvara með sér til Monte Carlo og eyddi
þar aleigunni, hélt síðan til Parísar, átti í
ástarævintýri við unga söngkonu að nafni
Tilly Losch og súrreallíska málarann
Max Ernst.
Árið eftir tók hún hins vegar á ný saman
við Kurt Weill og þau héldu saman í út-
legð til Bandaríkjanna árið 1935. Næstu
árin haslaði hann sér völl í tónlistarlífi
New York, samdi vinsæla söngleiki en
hún hvarf í skuggann, þýskumælandi
söngkona sem ekki fékk nein hlutverk
sakir tungumálaerfiðleika.
Eftir dauða Kurts Weill í Bandaríkjun-
um árið 1950 tók Lotte Lenya á ný að
Lotte Lenya á hátindi sínum.
Þekkt fyrir hráa rödd og
óbeislaðan erótískan kraft.
reyna að hasla sér völl í kvikmyndum.
Hún átti í ótal ástarævintýrum, giftist
nokkrum mönnum („Ég er alltof háð karl-
mönnum“), meðal annars manni að nafni
George Davis sem kom henni á framfæri í
Bandaríkjunum á sjötta áratugnum og átti
mikinn þátt í þeirri Weill-vakningu sem
þar varð þá. Davis lést árið 1957 og þá
giftist Lenya málara, sem var 27 árum
yngri en hún og samkynhneigður. Hann
lifði heldur ekki lengi eftir giftinguna og
þá festi Lenya ást á framkvæmdastjóra
Sameinuðu þjóðanna, Dag Hammar-
skjöld, en sú ást var ekki endurgoldin.
Síðustu æviárin lék Lotte Lenya í ýms-
um kvikmyndum, til dæmis í James
Bond-myndinni „Ástarkveðjur frá
Moskvu“ þar sem hún lék illgjarna KGB-
konu. Hún átti áfram í ýmsum ástarsam-
böndum við karla og konur fram undir hið
síðasta, giftist einu sinni enn manni sem
hefði getað verið sonur hennar, en það
hjónaband varaði aðeins í tvö ár og
skömmu síðar sýktist hún af brjósta-
krabbameini. Lotte Lenya lést í New
York í nóvember 1981, 83 ára að aldri.
Ævisaga Lotte Lenya ber annan titil á
þýsku en ensku. Enska útgáfan heitir ein-
faldlega „Lenya A Life“ en þýska útgáfan
ber heitið „Seeráuber-Jenny“ eða „Sjó-
ræningja-Jenní“ og vísar beint til þess
hlutverks, sem Lotte Lenya er frægust
fyrir og hennar er helst minnst fyrir hér í
landi. Um sama leyti koma nú á markað-
inn hljómdiskar með gömlum útgáfum af
söng Lotte Lenya þar sem rödd hennar í
hlutverki Jenníar er varðveitt og minna
þeir ennfremur á þá staðreynd að Lotte
Lenya og Sjóræningja-Jenní verða ekki
með auðveldu móti aðskildar.
0
ÞJÓÐLÍF 63