Frjáls verslun - 01.02.2009, Qupperneq 45

F R J Á L S V E R S L U N • 2 . T B L . 2 0 0 9 45
s t u ð u l l
baráttan um Tal er sagan endalausa. Hún er illvíg forræð-isdeila. Hún snýst um yfirráð í félaginu þrátt fyrir að Teymi eigi 51% hlut í því. En þessi deila snýst líka um sjálfstæði Tals því Teymi á 100% í símafyrirtækinu Voda-
fone sem keppir við Símann, Tal og Nova af fullum krafti. Teymi er
sakað um að gæta hagsmuna Vodafone á símamarkaðnum og koma
þannig í veg fyrir eðlilega samkeppni og gera Tal eins og hverja
aðra áskriftarleið hjá Vodafone. Mikil dramatík hefur verið í deil-
unni. Forstjórinn rekinn og nýr forstjóri ráðinn. Gamli forstjórinn
ráðinn inn aftur. Nýi forstjórinn sakaði fulltrúa minnihlutans um
frelsissviptingu á skrifstofunni. Samkeppniseftirlitið vék tveimur
fulltrúum Teymis úr stjórninni og skipaði nýja sem sögðu af sér eftir
nokkra daga orðlausir og sögðust aldrei hafa kynnst eins miklum
viðskiptasóðaskap.
Hermann Jónasson. Ragnhildur Ágústsdóttir.
Helstu atburðir í hluthafadeilunni
30. desember 2008.
Hermanni Jónassyni, forstjóra tals, er sagt upp störfum á
þeim forsendum að hann hafi gert samning við Símann án
þess að hafa samráð við stjórn tals en annar samningur
var þá þegar í gildi við Vodafone. Ragnhildur Ágústsdóttir
var ráðin inn sem forstjóri.
7. janúar 2009.
Samkeppniseftirlitið gerir húsleit á starfstöð teymis og dótt-
urfélaganna Og fjarskipta og iP fjarskipta.
26. janúar 2009.
Samkeppniseftirlitið skipar svo fyrir í bráðabirgðaákvörðun
að fulltrúar teymis í stjórn tals víki og í stað þeirra
skuli skipaðir tveir óháðir menn sem tilnefndir séu af
Samkeppniseftirlitinu.
4. febrúar 2009.
Samkeppniseftirlitið ákveður að leggja þriggja milljóna
króna dagsektir á teymi þar sem enn sé ekki búið að
skipta um stjórnarmenn samkvæmt bráðabirgðaákvörðun
þess.
6. febrúar 2009.
Þórdís J. Sigurðardóttir og Ólafur Þór Jóhannesson víkja
loks úr stjórn tals og í þeirra stað koma tveir fulltrúar frá
Samkeppniseftirlitinu. ekki kom til innheimtu dagsektanna
áður en breytingarnar á stjórninni voru framkvæmdar og
þar af leiðandi kom ekki til þess að teymi greiddi dagsektir.
12. febrúar.
Fulltrúar Samkeppniseftirlitsins segja sig úr stjórninni þar
sem deilur í eigendahópnum hafi verið of fyrirferðarmiklar
og ekki unnt að starfa við þessi skilyrði.
25. febrúar.
Fjármálaráðuneytið úrskurðar að fyrirtækjaskrá ríkisskatt-
stjóra beri að afmá tilkynningu um breytingu á fram-
kvæmdastjórn og prókúruhafa tals frá 12. janúar. Í sam-
ræmi við þessa niðurstöðu ráðuneytisins var skráningu
breytt til fyrra horfs og Hermann Jónasson skipaður forstjóri
á nýjan leik í stað Ragnhildar Ágústsdóttur.
2. mars.
ný stjórn tals skipuð. Í henni sitja Jóhann Óli
Guðmundsson, Jón Steinar Guðjónsson, Arnþór
Halldórsson og telma Halldórsdóttir.
Þórdís J. Sigurðardóttir. Árni Pétur Jónsson.