Frjáls verslun - 01.02.2009, Qupperneq 51

F R J Á L S V E R S L U N • 2 . T B L . 2 0 0 9 51
Auglýsingaherferðin Glæpir og hryllingur frá Eymunds-
son var besta auglýsingaherferðin, að mati dómnefndar.
„Hugmyndin á bak við herferðina er að auka sölu á bókum
á tímum þegar bóksala hefur verið lítil. Til þess að lyfta
þessum rólegri tímum bjuggum við til ný tímabil – við byrj-
uðum fyrir tveimur árum og þetta er strax búið að festa sig
í sessi,“ segir Viggó Örn Jónsson, hönnunarstjóri hjá Jóns-
son & Le’macks:
„Ég held að nálgun Eymundssonar á bókum hafi smitast
á alla bóksölu og herferðin þar með skilað góðum árangri.
Það vill stundum gleymast að bækur eiga að vera skemmti-
legar. Það er engin gleði að pínast í gegnum eitthvert torf.
Börn lesa miklu meira á heimilum þar sem fullorðna fólkið
les og fyrir fólk sem hefur ekki alist upp með bókum getur
verið erfitt að komast af stað. Ég lít á auglýsingar Eymunds-
sonar sem leið til að opna heim bókarinnar fyrir þeim sem
þekkja þar lítið til.“
Viggó tekur fram að tilgangurinn með verkefninu hafi
verið að fríska upp á herferðina 2007, sem stofan fékk
einnig sömu verðlaun fyrir, og búa til nýtt efni í öðrum
miðlum: „Við gerðum síðan sambærilega vinnu með ástar-
faraldurinn nú í febrúar – skiptum um lag og breyttum graf-
íkinni á sjónvarpsauglýsingu frá því í fyrra. Þannig að nú er
verkefnið að halda þessu fersku þannig að glæpirnir eigi
sína daga um langa framtíð.“
Viggó er spurður hvort það sé ekki alltaf jákvætt að
hvetja fólk til að lesa: „Það er einmitt útgangspunkturinn.
Vegna þess að smekkur fólks er svo mismunandi þá er
stranglega bannað að gera upp á milli bóka. Allar bækur
eru jafngildar vegna þess að léttar bækur eru fyrir marga
fyrsta skrefið í að uppgötva heim bókmenntanna. Bækur
auka skilning á heiminum og lífinu og börn sem lesa
gengur betur í skóla. Það eiga allir að lesa.“
auglýsingaherferðir
Hugmyndin á bak við
herferðina er að auka sölu
á bókum á tímum þegar
bóksala hefur verið lítil Jónsson & Le’macksViggó Jónsson, hönnunarstjóri.
ÍMARK
verðlaunin