Frjáls verslun - 01.04.2009, Síða 119

F R J Á L S V E R S L U N • 3 . T B L . 2 0 0 9 119
lS Retail er sennilega ekki fyrsta fyrirtækið sem kemur í hugann þegar rætt er um hugbúnaðarútflutning. Engu að síður hafa lausnir fyrirtækisins verið settar upp í yfir 130 löndum um
allan heim og eru notaðar af fyrirtækjum á borð við Ikea, Adidas og
Bestseller sem rekur verslanirnar Vero Moda, Jack & Jones og fleiri.
Sem dæmi um stöðu LS Retail má nefna að nýlega voru opnaðir í
Dubai stórmarkaðir undir heitinu Aswaaq í eigu ríkisstjórnar S.A.F.,
þar sem ekkert var til sparað við að nýta nýjustu tækni og þar varð
LS Retail fyrir valinu.
LS Retail þróar viðbætur við Microsoft Dynamics viðskiptalausn-
irnar þannig að úr verða heildarlausnir fyrir verslanir. „Við bjóðum
verslunum kerfi sem þjóna öllum þeirra þörfum fyrir viðskiptahug-
búnað, allt frá afgreiðslukassa yfir í lagerstýringu og bókhald,“ segir
Gunnar Björn Gunnarsson, framkvæmdastjóri LS Retail. Vel hefur
tekist til því LS Retail hugbúnaður er notaður í yfir 24.000 versl-
unum og hefur yfirgnæfandi markaðshlutdeild á heimsvísu hvað
varðar verslunarlausnir er byggjast á Microsoft-viðskiptahugbúnaði.
Í innsta kjarna Microsoft
En hvernig getur íslenskt fyrirtæki með um 36 starfsmenn staðið
að baki svo útbreiddri hugbúnaðarlausn? „Mestu máli skiptir að
við bjóðum fyrsta flokks heildarlausn sem byggir á áratuga reynslu
starfsfólks af þróun hugbúnaðar og þekkingu á verslunargeiranum.
Jafnframt vinnum við í gegnum samstarfsfyrirtæki um allan heim
sem selja okkar lausnir á sínum heimamarkaði, innleiða þær og
sérsníða. Þannig höfum við byggt upp sölu- og þróunarkerfi þar
sem á bilinu 10.000–15.000 manns um heim allan vinna daglega
meira eða minna við að forrita, þjónusta og selja LS Retail,“ segir
Gunnar. Þessi árangur hefur ekki farið framhjá Microsoft en félagið
hefur veitt LS Retail aðgang að „Microsoft Inner Circle“– kjarna-
hópi samstarfsaðila. Í hann kemst einungis 1% samstarfsfyrirtækja
Microsoft Dynamics – einungis þeir samstarfsaðilar sem fyrirtækið
telur sína verðmætustu.
Þarf að nálgast erlenda markaði rétt
En hvernig hefur gengið eftir hrunið í haust? „Ég þurfti vissulega
að svara mörgum erfiðum spurningum frá viðskiptavinum og sam-
starfsaðilum, en góð staða félagsins þýðir að áhrifin hafa ekki verið
sérstaklega mikil. Við erum með 98% af tekjum okkar í erlendum
gjaldeyri og félagið er skuldlaust, þannig að við eigum ekki í
miklum vandræðum með að standa núverandi ástand af okkur.
Auðvitað finnum við fyrir alþjóðlegri fjármálakreppu en sem betur
fer hugsum við frekar um áframhaldandi vöxt þessa dagana og
bætum við okkur fólki. Til dæmis erum við þessa dagana að stofna
dótturfyrirtæki í Bandaríkjunum og Singapore til þess að geta sinnt
betur samstarfsfyrirtækjum okkar í Ameríku og Austurlöndum fjær.
Við finnum að í þeim geira sem við sinnum hugsa menn nú þegar
um að vera undir það búnir að vaxa á ný í kjölfar kreppu.“
Gunnar segir að íslensk upplýsingatæknifyrirtæki ættu hik-
laust að skoða möguleika á útflutningi. „Tækifærin eru fyrir hendi
erlendis. Það skiptir þó máli að nálgast útflutninginn rétt. Margir
hafa farið af stað með óraunhæfar væntingar um skyndigróða þegar
raunin er sú að það tekur mikinn tíma, vinnu og dugnað að hasla
sér völl. Eins skiptir miklu máli að taka smærri skref og forðast
offjárfestingar í upphafi.“
Gunnar Björn Gunnarsson, framkvæmdastjóri LS Retail:
Með yfirgnæfandi markaðs-
hlutdeild á heimsvísu
Gunnar Björn Gunnarsson,
framkvæmdastjóri LS Retail.