Frjáls verslun - 01.09.2006, Page 9

F R J Á L S V E R S L U N • 9 . T B L . 2 0 0 6 9
þeir ekkert gjaldfært nema vextina af fjármögnuninni og afskriftir af
húsinu. Sérfræðingurinn, sem gerir fjármögnunarleigusamning t.d.
til 12 ára, getur gjaldfært leiguna að fullu á þeim tíma og e.t.v. sparað
sér skattgreiðslur, þ.e. hann frestar þeim og byggir upp eigið fé.“
Börkur segir að þetta sé mjög góður valkostur. Í lok leigutíma á
sérfræðingurinn húsnæðið skuldlaust en hann getur líka endurnýjað
samninginn á tímabilinu, þjóni það hagsmunum hans betur. Og
hann bætir við: „Við erum vissulega með mjög samkeppnishæfar
lausnir fyrir alla sem nýta húsnæði í eigin rekstri. Það er mikill kostur
fyrir menn að sameina hagkvæma fjármögnun og fresta skattgreiðsl-
unum með þessum mjög gegnsæja og eðlilega hætti. Við höfum
fundið fyrir mjög jákvæðum straumum gagnvart fjármögnunar- og
kaupleigusamningunum, sem eru fyrst og fremst hugsaðir fyrir þá
sem eru í leiguhúsnæði og vilja eignast húsnæði sjálfir. Þetta á þó
ekki síður við um hina sem vilja breyta til, þ.e. eru í eigin húsnæði
þar sem bundið er mikið eigið fé. Þeir vilja þá gjarnan selja húsnæðið
og endurleigja það til þess að losa tímabundið um fjármagn og nýta
það til áframhaldandi uppbyggingar í rekstrinum.“
Lýsing hf. sækir
inn á markað
fasteignafjármögnunar
Frá því lög heimiluðu gerð eignarleigusamn-
inga vegna fjármögnunar á húsnæði hefur
Lýsing hf. staðið í vaxandi mæli að gerð
slíkra samninga þar sem sterkir og öflugir
viðskiptamenn velja þetta fjármögnunarform
vegna skattahagræðis og samkeppnishæfra
viðskiptakjara. Lýsing hf. vinnur stöðugt að
þróun og útfærslu á vörum sínum og því er
mjög líklegt að samningarnir muni í fram-
tíðinni fela í sér ýmsa þjónustuþætti tengda
fasteigninni auk fjármögnunarinnar á sjálfu
kaupverðinu. Sem dæmi má nefna vátrygg-
ingar, öryggisgæslu og jafnvel viðhald, enda
vill Lýsing hf. vinna með viðskiptavinum
sínum að sterkum og verðmætum lausnum
sem skila hámarksávinningi til lengri eða
skemmri tíma.
Fjármögnun atvinnuhúsnæðis með eignarleigusamningum hentar þeim mjög vel sem nýta fasteignir
undir eigin atvinnurekstur. Þetta á við um sérfræðinga eins og verkfræðinga, arkitekta, lögfræðinga og
tannlækna þar sem stofnkostnaður í upphafi sjálfstæðs atvinnurekstrar er mikill. Með þetta í huga býður
Lýsing hf. viðskiptavinum sínum fjármögnunarleigusamninga til að fjármagna atvinnuhúsnæðið. Með því
móti er e.t.v. hægt að fresta skattgreiðslum og byggja upp eigið fé til að standa undir framtíðarvexti.
Auglýsing frá Lýsingu þar sem fjármögnun atvinnuhúsnæðis er kynnt.