Frjáls verslun - 01.09.2006, Síða 86

86 F R J Á L S V E R S L U N • 9 . T B L . 2 0 0 6
É
g stofnaði Island-Reisen árið 1990,“
segir Ríta sem er íslensk þótt nafnið
beri það ekki beint með sér. Hún
er fædd og uppalin á Íslandi, hét
þá Ríta Larsen, en faðir hennar, Nils Einar
Larsen, var danskur garðyrkjumaður á Elli-
heimilinu Grund og móðirin er Margrét
Jónsdóttir hjúkrunarkona.
Maður Rítu, Jörg Duppler, er sagnfræð-
ingur og starfar á vegum þýska sjóhersins
og því hafa þau dvalist víða í Þýskalandi.
„Við Jörg stunduðum nám við háskólann
í Bonn, hann í sagnfræði en ég í norrænu,
listasögu og samanburðarbókmenntum. Að
námi loknu kenndi ég þar í átta ár við
háskólann.“
Íslandskynning á fínu hóteli
Duppler-hjónin þurftu loks að færa sig um
set og fluttust til Flensborgar. Þar var ekki
háskóli en Rítu langaði samt til að vinna eitt-
hvað þótt hún væri komin með þrjú börn. Í
kjölfarið vaknaði ferðaþjónustuhugmyndin.
„Við hjónin ákváðum að efna til Íslands-
kynningar og gerðum það einu sinni í mán-
uði í tvö ár. Við buðum upp á helgarferð á
mjög fínt hótel, héldum þar fyrirlestra um
Ísland, sýndum kvikmyndir og kynntum
bókmenntir og sögu landsins og fræddum
væntanlega ferðamenn um allt sem þeir
höfðu áhuga á að heyra.
Við vorum ekkert agalega klár í business
og seldum þetta voðalega ódýrt en þátttakan
var góð og fólki fannst þetta spennandi.
Endirinn varð sá að margir vildu að efnt
yrði til hópferðar til Íslands og ég yrði leið-
sögumaður. Fyrsti hópurinn var þó ekki svo
stór að það borgaði sig að fara með hann svo
ég bauð Islandtours að innlima hann í sína
ferð. Fjöldinn tvöfaldaðist síðan ár frá ári og
eykst enn.
Árið 1996 fluttum við til Berlínar og ég
rak ferðaskrifstofuna heima þar til árið 1999
að ég fékk húsnæði á frábærum stað á Kur-
fürstendam 125 b.“
Nánast allar pantanir koma á Netinu
Ríta segir að stór hluti sölunnar fari fram í
gegnum síma og á Netinu, sem hún nýtti sér
mjög fljótt. Hún kynntist nefnilega Íslend-
ingnum Snorra Sigurðssyni sem rekur mikið
tölvufyrirtæki í Tübingen og hann sagði:
„Farðu inn á Netið.“
„Ég var skeptísk og var auk þess sannfærð
um að Þjóðverjar myndu seint nýta sér það.
Snorri talaði mig til og ég fékk fljótlega fína
vefsíðu og lifi eiginlega á því núna. Nánast
allar pantanir koma á Netinu. Þess vegna sel
ég Íslandsferðirnar ekki bara fólki hér í Berlín
heldur suður um allt Þýskaland, í Austurríki
og Sviss. Það merkilega er að Íslandsáhuginn
vex eftir því sem sunnar dregur en líklega
koma þó flestir viðskiptavinir mínir frá Rínar-
dalnum og nágrenni Frankfurt.“
Snorri hefur séð alfarið um vefsíðuna sem
er mjög góð. Dóttir Rítu átti að finna góða
vefsíðu á Netinu og kynna hana í tengslum
við nám sitt í háskólanum. Hún valdi að
kynna heimasíðu Island-Reisen. Síðan hlaut
verðlaun sem sú besta sem kynnt var. „Það
þakka ég Snorra.“
Spá Rítu um að Þjóðverjar yrðu seinir að
notfæra sér Netið gekk ekki eftir og nú segir
hún að meira að segja eldra fólk sé komið með
tölvur heima og Netið hefur svo sannarlega
stuðlað að velgengni ferðaskrifstofunnar. Þar
vinna sjö manns, sjö háskólastúlkur sem eru
í norrænunámi í háskólanum. Þær vinna
20 tíma á viku og íslenskukunnátta þeirra
kemur sér vel þegar hafa þarf samband við
fólk í ferðaþjónustu hér heima, því að menn
kunna yfirleitt ekki þýsku og þykir betra að
geta átt viðskipti á íslensku heldur en ensku,
nema stærstu hótelin.
Ríta Duppler, eigandi Island-Reisen í Berlín, segir að Íslandsáhuginn
vaxi eftir því sem sunnar dragi í Þýskalandi. „Líklega koma þó
flestir viðskiptavinir mínir frá Rínardalnum og nágrenni Frankfurt.“
RÍTA DUPPLER
EIGANDI ISLAND-REISEN Í BERLÍN
F E R Ð A Þ J Ó N U S T A
TEXTI OG MYND:
FRÍÐA BJÖRNSDÓTTIR