Frjáls verslun - 01.09.2006, Page 92
92 F R J Á L S V E R S L U N • 9 . T B L . 2 0 0 6
ÚR EINU Í ANNAÐ
TEXTI: SVAVA JÓNSDÓTTIR
MYNDIR: GEIR ÓLAFSSON o.fl.
Myndlist:
ÁHRIF ENDURREISNAR-
TÍMABILSINS
Ung íslensk myndlistar-
kona dvelur í klaustri í
Róm á árunum 1987-
1988. Þar mundar
hún pensilinn og lærir
miðaldatækni. Hún
heillast enda af mið-
aldalist og kynnist
endurreisnartímabilinu
nánar. Í dag má sjá
áhrif þess tímabils í
málverkum Kristínar
Gunnlaugsdóttur. Þá
stundaði hún nám á
árunum 1988-1993 við
Accademia delle Belle
Arti í Flórens.
„Það er ákveðin
dulúð og einfaldleiki í
málverkum frá endur-
reisnartímabilinu,“
segir listakonan, en
dulúð og einfaldleiki
einkenna einmitt mál-
verkin hennar. „Myndir
frá þessu tímabili eru
fallegar.“
Kristín tileinkar
sér aðferð miðalda en
hún málar minni mál-
verk með eggtemperu.
Stærri verkin eru hins
vegar máluð með
olíulit.
Hún segist vera
fígúratífur málari sem
málar mannsandann.
Hún nefnir mann og
umhverfi og innra líf
mannsins. „Ég legg
meðal annars áherslu
á þörf mannsins fyrir
Guð, aðskilnað við
almættið og einmana-
leika mannsins. Þetta
er sýn á sérstakan
heim.“
Hvaðan fær hún
hugmyndir? „Þær teng-
jast því hver maður er,
hvað maður hefur séð
og hvað hefur áhrif á
mann.“
Blái liturinn
einkennir nýjustu mál-
verkin. Þau munu eftir
áramót hanga uppi í
Gerðarsafni þar sem
Kristín mun taka þátt í
samsýningu sem kall-
ast Indigo. Töfrana
á striganum má sjá
nánar á heimasíðu
Kristínar; kristing.is
Kristín Gunnlaugsdóttir. „Ég legg meðal annars áherslu á þörf mannsins fyrir Guð,
aðskilnað við almættið og einmanaleika mannsins. Þetta er sýn á sérstakan heim.“
Móðir með barn í íslenskri náttúru, 2001.
Fjallgangan, 2001.